BALE KUANZA KIBARUA REAL MADRID MWISHONI MWA WIKI HII…KUUMIA KWA MARCELO NA COENTRAO KUTAMFANYA ACHEZE BEKI YA KUSHOTO!!?

Na Baraka Mpenja kwa msaada wa Sportsmail

BAADA ya mishemishe zote, hatimaye, Gareth Bale ataitumikia kwa mara ya kwanza klabu yake ya Real Madrid mwishoni mwa wiki hii-lakini anaweza akatumika nafasi ya beki wa kushoto?

Mchezaji huyo mwenye thamani kubwa zaidi duniani atakuwa beki pekee wa kushoto katika kikosi cha Carlo Ancelotti  baada ya mabeki wote wa pembeni  Marcelo na Fabio Coentrao kupata majeruhi katika mechi zao za kimataifa na timu zao za Taifa.

Mbrazil Marcelo aliumia mguu  wakati wa mechi ya kirafiki baina ya timu ya Taifa ya Brazil dhidi ya  Australia wikiendi iliyopita ambapo vijana hao wa Samba walishinda mabao 6-0 na alikosa mechi ya leo mapema dhidi ya Ureno, mechi ambayo Brazil wameshinda mabao 3-1.

 

Jembe la ukweli: Gareth Bale alitokea benchi katika mechi ya Timu yake ya Taifa ya Wales jumanne usiku

 

Je, ataweza kufurukuta kwa mara ya kwanza?

 

Janga: Fabio Coentrao aliumia katika mchezo wa kirafiki baina ya Brazil na Ureno

 

Wasiwasi: Marcelo (kushoto) ameumia pia na hii ina maanisha Bale anaweza kucheza mechi ya kwanza akiwa Real madrid nafasi ya beki wa kushoto

 

Mtu muhimu: Bale alikamilisha uhamisho uliovunja rekodi ya dunia wa pauni milioni 86 kutoka Spurs ya England kujiunga na Real Madrid wiki iliyopita