WATUMISHI WA IDARA YA UJENZI HALMASHAURI YA MJI MPANDA WALAUMIWA KUSHINDWA KUSIMAMIA MAJUKUMU

Mkuu wa Mkoa wa Katavi Dkt Rajabu Rutengwe akifungua mkutano wa wadau wa maandalizi ya Mpango Kabambe wa Maendeleo ya Mji wa Mpanda wa miaka 20 ijayo mkutano uliofanyika  kwenye ukumbi wa Shule ya Sekondari ya Mtakatifu Maria Mjini Mpanda jana.

Na  Kibada Kibada -Kibada

Watumishi wa Idara ya Ujenzi  katika Halmashauri ya Mji wa Mpanda Mkoa wa Katavi  wamelaumiwa  kwa kushindwa  kusimamia  miradi ya ujenzi  na wamekuwa ndio chanzo cha miradi kujengwa chini ya kiwango na kuchelewa kumalizika kwa wakati

Kauhi  hiyo ya wakushutumu watumishi wa Idara ya Ujenzi ilitolewa hapo jana  na Mwenyeki wa Halmashauri ya Mji wa Mpanda Enock  Gwambasa  kwenye mkutano wa  Wadau  wa maandalizi ya Mpango  kabambe wa Halmashauri ya mji wa Mpanda  wa kipindi cha miaka 20

Alisema licha  ya watumishi hao kupewa maelekezo mbalimbali  na vikao husika   vinavyo kuwa vimewapatia maelekezo ya kusimia miradi ya ujenzi  iliyopo katika Halmashauri  hiyo  bado  kumekuwepo  na  matatizo ya miradi kujengwa chini ya kiwango na kuchelewa kumalizika kwa wakati

Gwambasa alieleza kuwa  watumishi hao  wameshindwa kusimamia midadi hata  hiyo midogo iliyopo katika Halmashauri ya Mji huo  inatia mashaka  wa watumishi hao  kusimamia miradi  mikubwa ambayo inategemea kufanywa  na Halmashauri hiyo hivi karibuni

Aliitaja miradi hiyo inayotegemewa kufanywa na Halmashauri hiyo kuwa ni  ujenzi wa barabara za rami katika mitaa ya Mji wa Mpanda  na  ujenzi wa soko kubwa la kisasa

Alisema  hivi karibuni  kikao cha kamati ya fedha na mipango kilimwagiza  Mkurugenzi waHalmashauri ya Mji wa Mpanda  kumwita mkandarasi aliye tengeneza  matuta  ya kuzuia mwendo kasi wa magari  na pikipiki  kuvunja watuta  yalioko  katika maeneo ya Kotazi  na Majengo  na  Buzogwe  baada ya kubainika yamejengwa chini ya kiwango  kutokana na kutosimamiwa   ipasavyo na watumishi wa idara hiyo wakati ujenzi ulipo kuwa ukifanyika

Alisema na  tayari wameisha towa maelekezo kwa mkurugenzi kuhakikisha watumishi walio shindwa kusimamia  ujenzi huo   wa matuta  ya barabarani  wanakatwa asilimi 20 ya mshahara  wao  mwezi mmoja na wapewe na risiti zao

Kwa upande wake   Mkurugenzi wa Halmashauri  ya Mji wa Mpanda Seleman Lukanga  alisema tayari ameisha yapokea maagizo hayo na tayari ameanza kuyafanyia kazi malalamiko ya watumishi wa Idara hiyo ya ujenzi

Mapema mwaka huu katika Baraza la Madiwani la Halmashauri ya Mji huu katika kikao chake kilicho fanyika katika ukumbi wa Chuo  kikuu huria cha Mkoa wa Katavi    madiwani waliilalamikia idara hiyo kwa  kushindwa kusimia midadi  na kuifanya ishindwe kumalizika kwa wakati na miradi kujengwa chini ya kiwango