MOURINHO AIKUBALI KAULI YA KOCHA PARDEW, DIRISHA LA USAJILI LIFUNGWE KABLA YA KUANZA MECHI ZA MSIMU MPYA!!

Na Baraka Mpenja kwa msaada wa Sportsmail.com

KOCHA wa Chelsea, Mreno, Jose Mourinho ameunga mkono kauli ya kocha Alan Pardew ambaye ametaka dirisha la usajili liwe linafungwa kabla ya kuanza msimu mpya.

Kocha huyo wa paka Weusi, Newcastle,  Pardew, amechukizwa na kitendo cha  Arsenal kuendelea kumshawishi kiungo wake Yohan Cabaye ili wamsajili, hivyo ametaka dirisha liwe linafungwa kabla ya kuanza mechi za kwanza za ligi kuu ili klabu pinzani kuacha kuwachanganya wachezaji wa timu nyingine.

Na sasa kauli hiyo iliyoungwa mkono na Mourinho itakuwa na maana  Old Trafford, kwani bosi huyo wa Chelsea anamuwinda mshambuliaji wa Manchester United,  Wayne Rooney – kabla ya kufungwa kwa dirisha la usajili.

“Hakuna kilichobadilika, kiukweli naungana na Pardew kuwa dirisha la usajili linachelewa kufungwa, hadi mechi ya tatu na nne ndio linafungwa, hapana”. Alisema Mourinho.

Kakubali: Jose Mourinho amesema dirisha la usajili linachelewa kufungwa baada ya msimu mpya wa ligi kuanza

Shangwe tu: Mourinho aliinuka kutoka katika benchi na kushangilia bao la  Frank Lampard alilofunga kwa mpira wa adhabu dhidi ya  Hull City jumapili wa wiki iliyipita

Mourinho bado anaendelea kuiwinda saini ya Rooney, lakini ofa yake ya pauni milioni 40 ilitupiliwa mbali na kocha wa United, David Moyes alisema nyota wake hauzwi.

Anawindwa : Wayne Rooney, aliichezea Manchester United katika mechi dhidi ya Swansea ya  Michu, lakini bado anawindwa na Chelsea