LIGI KUU: YANGA YAIMINYA ASHANTI 5-1, SIMBA YAKABWA NA RHINO 2-2, WAZEE WA SAUZI 1-1, SOMA MATOKEO MENGINE!!

Na Baraka Mpenja wa Fullshangwe

Msimu wa 2013/2014 wa ligi kuu soka Tanzania bara umeanza kushika kasi leo hii kwa timu zote 14 kushuka dimbani.

Mechi zilizokuwa zinasubiriwa kwa hamu ni zile zinazohusisha timu tatu za juu msimu uliopita yaani mabingwa Yanga, washindi wa pili, Azam Fc na mshindi wa tatu, Simba Sc.

Tayari kumekucha kwa mabingwa watetezi wa Ligi Kuu, klabu ya Yanga ambao wameanza kwa uzuri kampeni za kutetea ndoo yao, baada ya kuwatwanga wageni wa ligi hiyo, Ashanti United ‘Watoto wa Jiji’ mabao 5-1 katika Uwanja wa Taifa, Dar es Salaam.
Mabao ya Yanga leo yalifungwa na Jerry Tegete dakika za 10 na 57, Simon Msuva dakika ya 47, Haruna Niyonzima dakika ya 73 na Nizar Khalfan dakika ya 90, wakati bao pekee la Ashanti lilifungwa na Shaaban Juma dakika ya 89.

Huko Ally Hassani Mwinyi mjini Tabora, wekundu wa Msimbazi Simba wamelazimishwa sare ya kufungana mabao 2-2 na wenyeji Rhino Rangers.

 Mabao yote ya Simba SC yalifungwa na kiungo kinda Jonas Gerrard Mkude dakika za 10 na 38 kwa penalti, wakati ya Rhino yalifunwa na Iman Noel dakika 36 na Saad Kipanga dakika ya 64. 

Uwanja wa Manungu, Wazee wa Sauzi, Azam fc wameshindwa kutamba mbele ya Mtibwa Sugar baada ya kulazimissha sare ya bao 1-1.

Matokeo ya mechi  zote saba ni kama ifuatavyo;

NO	DATE	No.	HOME TEAM	AWAY TEAM	STADIUM	REGION
1	24.08.2013	1	YOUNG AFRICANS 5	1 ASHANTI UNITED	NATIONAL STADIUM	DAR ES SALAAM
	24.08.2013	2	MTIBWA SUGAR 1	1 AZAM FC	MANUNGU	MOROGORO
	24.08.2013	3	JKT OLJORO  0	2 COASTAL UNION	SH. AMRI ABEID	ARUSHA
	24.08.2013	4	MGAMBO JKT 0	2 JKT RUVU	MKWAKWANI	TANGA
	24.08.2013	5	RHINO RANGERS 2	2 SIMBA SC	A.H. MWINYI	TABORA
	24.08.2013	6	MBEYA CITY  0	0 KAGERA SUGAR	SOKOINE	MBEYA
	24.08.2013	7	RUVU SHOOTINGS 3	0 TANZANIA PRISONS	MABATINI	PWANI