Na Baraka Mpenja kwa msaada wa Sportsmail.com
Mlinda Mlango wa Manchester Unitet, David De Gea anaamini kuwa Cesc Fabregas ndiye mchezaji bora kwa kocha David Moyes kumsajili majira haya ya kiangazi ili kuimarisha safu ya kiungo.
Fabregas amekuwa chaguo la kwanza katika usajili wa United majira haya ya kiangazi, na walishawahi kutuma ofa ya pauni milioni 26 na 30 wakatupiliwa mbali.
Kwa sasa inafahamika kuwa United wamejipanga kutuma ofa ya mwisho kabisa ya pauni milioni 36 ili kuinasa saini ya kiungo huyo mwenye uwezo mkubwa wa kupiga pasi.
Akizungumza na gazeti la Marca, De Gea alisema: “Fabregas ndiye mwenye maamuzi ya kubakia Barcelona au kujiunga na sisi. Utakuwa usajili mzuri sana kwetu akikubali na atatusaidia sana kuboresha kikosi cha United”.
Usajili bomba: David De Gea ana amini kuwa Cesc Fabregas (juu) ataboresha kikosi cha Manchester United
De Gea, anayetarajia kuanza msimu mpya wa ligi kuu akiwa kipa chaguo la kwanza, pia amesema alifanya jitihada kubwa kumshawishi Thiago Alcantara kujiunga Old Trafford wakati wakiwa katika fainali za vijana chini ya umri wa miaka 21 nchini Israel, lakini jitihada zake ziligonga mwamba baada ya bwana mdogo kuamua kujiunga na Bayern Munich.
“Kweli, nilijitahidi kumshawishi sana, lakini sikuweza. Ungekuwa usajili mkubwa sana. Alichagua Bayern, timu bora, na nina uhakika atafganya vizuri”.. Alisema De Gea.
Kijana wa Bayern : Ingawa De Gea alijaribu kumshawishi Thiago Alcantara kujiunga na vijana wa David Moyes, mchezaji huyo aliamua kujiunha na Bayern Munich
Umeimarika sana: Licha ya msimu wake kwa kwanza kuwa mgumu katika klabu ya Man United, lakini kwa sasa kipa De Gea ametulia na kuanza kufurahia mafanikio nchini England
0 comments:
Post a Comment