WAZIRI MKUU PINDA AONGOZA MAZISHI YA DIWANI CHONANGA IRINGA, AJITOLEA KUSOMESHA FAMILIA YAKE HUKu AKISIFU USHIRIKI WA CHADEMA KATIKA MAZISHI

Mbunge wa jimbo la Iringa mjini Mchungaji Peter Msigwa (mwenye Suti) na katibu  wa Chadema Iringa mjini Suzana Mgonakulima wa kwanza  kushoto wakiwa na madiwani  wa CCM katika msiba  wa diwani Chonanga leo

Msaidizi  wa askofu  wa kanisa la  kiinjili  la  kilutheri Tanzania (KKKT) dayosisi ya  Iringa Blaston Gavile  akiendesha  ibada ya mazishi  ya diwani Chonanga  leo makaburi ya Mtwivila mjini Iringa

Hili ni gari ambalo  lilkuwa  likiufuata msafara  wa  waziri mkuu jambo ambalo  lingeweza  kusababisha ajali katika msafara  huo hapa ni eneo la Mtwivila mjini Iringa

Mlezi  wa CCM mkoa  wa Iringa  waziri mkuu Mizengo Pinda (kushoto ) mkewe Tunu Pinda wakiweka  shada la maua katika kaburi la diwani  Iddi Chonanga  leo

Waziri mkuu Pinda  akimsubiri  mke  wake Tunu Pinda aweke shada ya maua   kabla ya kutoa heshima yao ya mwisho leo

Mkuu  wa mkoa  wa Iringa Dr Christine Ishengoma akiweka shada la maua katika  kaburi ya diwani Chonanga  leo

Mbunge  wa  jimbo la Iringa mjini mchungaji Peter Msigwa (CHADEMA) na mbunge wa viti maalum mkoa  wa Iringa Ritta Kabati (CCM) wakishirikiana  kuweka shada la maua katika kaburi la diwani Iddi Chonanga ,enzi  za uhai  wake  diwani Chonanga  na  familia  yake walikuwa wakikabiliwa na kesi ya kumtishia  kumuua mbunge Msigwa kwa maneno kesi ambayo bado hukumu yake  kutolewa

Mbunge  wa  jimbo la Kilolo na MNEC Prof Peter Msolla na mbunge wa viti maalum mkoa  wa Iringa Lediana Mafulu  wakiweka  shada la maua katika kaburi la Chonanga  leo

Mstahiki meya  wa Manispaa ya  Iringa Amani Mwamwindi akipokea shada  kutoka kwa afisa  habari Manispaa ya Iringa Sima Bingileki  ili kuweka katika kaburi la diwani Chonanga

Meya  Mwamwindi akiweka  shada la maua katika kaburi la Chonanga 

Naibu  meya  wa Manispaa ya   Iringa Bw Gervas Ndaki kushoto akiongoza madiwani kuweka mashada ya maua katika kaburi la diwani  Chonanga  leo

Katibu  wa Chadema Iringa mjini na diwani wa viti maalum Suzana Mgonakulima kushoto akiweka shada la maua katika kaburi la Diwani mwenzake  Chonanga 

Mkurugenzi  wa Halmashauri ya Manispaa ya  Iringa Terresia Mahongo akiweka shada la maua  leo kwenye kaburi la diwani  Iddi Chonanga 

Picha na habari na Francis Godwin Blog- Mzee  wa matukio  Daima

WAZIRI  mkuu  Mizengo  Pinda ambae ni mlezi  wa chama  cha mapinduzi (CCM) mkoa  wa Iringa  leo ameongoza wakazi  wa  mkoa  wa Iringa katika mazishi ya  aliyekuwa  diwani  wa kata ya Nduli marehemu Iddi Rashid Chonanga huku akijitolewa  kusomesha watoto  wake  wawili na yatima mmoja  aliyekuwa akisomeshwa na marehemu  Chonanga.

Waziri  Pinda alitoa ahadi leo  katika makaburi ya Mtwivila mjini Iringa  wakati  akitoa salam  zake  za rambi rambi kwa  wakazi wa kata ya Nduli  na wananchi  wa mkoa wa Iringa  kufuatia kifo cha  diwani  huyo .

Alisema  kuwa  kifo cha diwani  Chonanga   kimeacha pendo ndani ya  familia na hata katika  chama  chake cha CCM kutokana na  mchango mkubwa ambao  amepata kuutoa katika  kupigania chama hicho na kuwa kutokana na maombi kusomeshwa  yaliyotolewa na watoto   hao ambao waliyatoa  jana alipofika  kuhani msiba huo katika kijiji cha Nduli 

Kuwa kwa upande  wake amejitolea kuisaidia familia  hiyo
ya  Chonanga kwa  kusomesha  mtoto mmoja anayeendelea na masomo katika  chuo cha IFM jijini Dar es Salaam  pia  kumsomesha kijana  wake  mmoja ambae yupo  sekondari pamoja na kuendelea  kumsomesha mtoto  mmoja yatima ambae  diwani Chonanga  alikuwa akimsomesha katika shule ya  Sekondari ya Miyomboni mjini Iringa.

Mbali ya kujitolea  kusomesha  watoto hao bado  waziri Pinda  alilitaka baraza la madiwani  la Halmashauri ya Manispaa ya Iringa na mkurugenzi  wa Halmashauri  hiyo kuangalia uwezekano  wa  kumuenzi diwani  Chonanga kwa kazi kubwa za maendeleo alizozifanya katika kata  yake kwa  kuisaidia
familia  yake .

“ Mimi  nawashauri madiwani pamoja na mkurugenzi wa Manispaa kutokana na mchango mkubwa ambao  diwani Chonanga  aliutoa katika kuwatumikia  wananchi wa kata ya Nduli ….sasa kuangalia uwezekano  wa kuisaidia  familia yake…..sisi  kama chama leo  tulikuwa na Halmashauri kuu ya  CCM tumechangishana  kiasi cha  zaidi ya Tsh 800,000 ambazo tunazikabidhi kwa familia”

 Katika hatua  nyingine waziri Pinda  amekipongeza chama  cha  Demokrasia na maendeleo  (Chadema)  wilaya ya Iringa mjini  chini ya mbunge wa  jimbo la Iringa mjini mchungaji Peter Msigwa kwa kuonyesha  ushirikiano mkubwa katika mazishi hayo .

“ Kweli kwa  moyo  mkunjufu kabisa napenda  kuwashukuru sana  viongozi  wa Chadema Iringa chini ya mbunge mchungaji Msigwa kwa  ushiriki mzuri wa mazishi  ya diwani Chonanga ….nasema  ahsanteni sana mheshimu mbunge Msigwa na wananchi  wote ambao  leo mmefika hapa”

Awali  akiendesha ibada ya mazishi  hayo msaidizi  wa askofu wa kanisa la Kiinjili la Kilutheri Tanzania (KKKT) dayosisi  ya Iringa  Blaston Tuluwene Gavile  alitaka  viongozi wa  serikali na  kisiasa kukumbuka  kumcha Mungu  na kuiga mfano  wa Chonanga ambae  mbali ya kufanya  shughuli za kisiasa  ila katika dini alikuwa mstari  wa mbele akiwa kama mshauri wa usharika wa
Nduli .

Alisema   kuwa mara kwa mara  Chonanga  alikuwa akipigania  maendeleo ya
kata yake ya Nduli na wananchi  wake na kuna  wakati alipata kumtamkia  wazi wazi kuwa yupo tayari  kufa na hata agopa  binadamu yeyote katika  kuwapigania wananchi  wake.

“ Marehemu  alikuwa mtetezi  wa  kweli wa maendeleo ya  wananchi  wake
ndani ya chama  chake  na hata katika kanisa  pia ndio maana leo   umati mkubwa wa  watu wamejitokeza kumzika ila sisi kama kanisa  tunasema kifo katika Kristo ni furaha kubwa na leo  hii  mama mzazi wa Chonanga ambae ana miaka  zaidi ya 83 ameomba  kubatizwa  rasmi “

Akisoma histori ya marehemu Chonanga mkurugenzi wa Halmashauri ya Manispaa ya Iringa Terresia Mahongo  alisema  kuwa Chonanga  alizaliwa mwezi  Februari ,1947 katika  kijiji cha Malolo  wilaya ya  Kilosa na  elimu yake ya msingi aliipata  katika  shule ya kati ( Middle School )  Kidodi wilaya ya  Kilolo na kujiunga na mafunzo ya ualimu katika chuo  cha ualimu Songea mkoani
Ruvuma mwaka 1970

Katika  uhai  wake marehemu aliajiriwa kama mwalimu  wa  shule ya msingi mwaka 1972 ambapo  miongoni mwa shule  alizopata kufundisha ni pamoja na Mwembetogwa ,Kilimani , Nyabula, Nduli na Kitelewasi  zilizopo mkoani Iringa  pia marehemu aliwahi  kuwa mratibu elimu kata ya kalenga kuanzia mwaka  1994-1999 alipostaafu kwa mujibu  wa sheria na mwaka  2000 alifanya kazi ya ualimu kwa mkataba  wa mwaka  mmoja 

Katika  uongozi amepata  kuwa mwenyekiti wa CCM  kata ya Nduli kati ya mwaka 2000-2005 na mwaka  2010 alichaguliwa  kuwa diwani wa kata ya Nduli katika Halmashauri  hiyo ya Manispaa ya Iringa na katika baraza la madiwani
wa Halmashauri  hiyo alikuwa ni mwenyekiti wa kamati ya maadili na mjumbe wa kamati ya  fedha na uongozi .

Mkurugenzi  huyo alisema  kuwa katika  kipindi cha uongozi  wake alikuwa ni
jasiri ,mfuatiliaji wa mambo,mshauri na mjenga hoja katika vikao  vya madiwai .

Marehemu Chonanga alianza  kusumbuliwa  na maradhi
ya moyo usiku wa tarehe  2/7/2013 na alfajiri  ya tarehe 3/7/2013
alipelekwa Hospital  ya Rufaa ya mkoa  wa Iringa kupata matibabu  na mbali ya jitihada  zilizofanywa na madaktari  ila zilishindikana na majira ya saa 7;45 mchana alifariki dunia .marehemu Chonanga  ameacha mjane mmoja  watoto  10 na wajukuu 9

Mungu ailaze  roho  ya marehemu Iddi Rashid
Chonanga mahali pema peponi Amina