WAZIRI MKUU MIZENGO PINDA ATUA IRINGA AUNGANA NA WAKAZI WA NDULI KUOMBOLEZA MSIBA WA DIWANI CHONANGA

Mwenyekiti  wa CCM mkoa  wa Iringa Jesca Msambatavangu wa pili  kulia akitoa akiitambulisha familia ya marehemu diwani Idd Chonanga  aliyekuwa  diwani wa kata ya Nduli aliyefariki dunia  jana

Mtoto  mkubwa wa  marehemu  Idd  Chonanga Bw Greyson Chonanga akipewa  mkono wa pore na waziri mkuu Mizengo Pinda aliyefika  nyumbani kwao eneo la kijiji cha Nduli  kuhani msiba  huo jioni ya leo ,anayeshuhudia ni  mwenyekiti wa CCM mkoa  wa Iringa Jesca Msambatavangu

 Viongozi  mbali mbali wa CCM na  serikali mkoa wa Iringa  wakiwa na  waziri mkuu Mizengo Pinda pamoja  na  waombolezaji  wa msiba wa aliyekuwa diwani wa kata ya Nduli Idd Chonanga aliyefariki jana

 Mtoto  mkubwa wa diwani  Chonanga  akitoa maelezo kwa  waziri mkuu Pinda juu ya kifo cha baba yake

Mwenyekiti wa CCM mkoa wa Iringa  Jesca Msambatavangu akiwaaga  waombolezaji  leo

Waziri mkuu akiaganga na familia ya marehemu Chonaga  leo kijiji  cha Nduli Iringa mjini

Waziri Pinda akiwapa pole  wafiwa leo katika msiba wa  diwani wa kata ya Nduli mjini Iringa Idd Chonanga  aliyefariki dunia  jana

Ndugu  wa diwani Chonanga  wakiangana na  waziri mkuu Pinda

Msafara  wa  waziri mkuu Mizengo  Pinda  ukitoka  kuhani msiba wa diwani wa kata ya Nduli Idd Chonanga aliyefariki jana na kuzikwa  kesho kijijini hapo

kada wa CCM mzee My Studio akisalimia na  waziri mkuu

Jembe la manispaa ya Iringa mkurugenzi wa Halmashauri ya manispaa Teresia Mahongo akimpokea  waziri mkuu Mizengo Pinda  kwa tabasamu kali

Makada wa  CCM familia ya My Studio

Wadau  wa masuala ya utalii  mkoa  wa Iringa ambao  wanapigania kuitangaza  hifadhi ya  Ruaha na hifadhi za  kusini

Mwenyekiti wa Halmashauri ya Kilolo JOseph Muhumba akisalimiana na  waziri Pinda

Kamanda wa UVCCM mkoa wa Iringa Salim Abri Asas akiteta jambo na  waziri mkuu Mizengo Pinda katika uwanja wa Ndege Nduli leo

…………………………………………………………………

WAZIRI  mkuu wa jamuhuri ya muungano  wa Tanzania Mizengo Pinda ambae ni mlezi wa chama  cha mapinduzi (CCM) mkoa  wa Iringa jioni  ya  leo amewasili  mkoani Iringa na kufika nyumbani kwa   aliyekuwa diwani  wa kata ya marehemu Idd Chonanga na kuungana na  waombolezaji katika  kuifariji familia  ya diwani huyo.

Waziri  Pinda ambae  aliongoza na  mkewe mama Tunu Pinda na viongozi wengine wa CCM mkoa  wa Iringa pamoja na  viongozi wa  serikali ya  mkoa  wa Iringa  wakiongozwa na mkuu wa mkoa  wa Iringa  Dr Christine Ishengoma  walifika nyumbani kwa  marehe mu Chonanga  eneo la Nduli  majira ya saa 10.56 na  kutumia muda wa zaidi ya  dakika  10 kuifariji  familia  hiyo.

Akiwa  nyumbani kwa marehemu  Chonanga  waziri  Pinda na mkewe wametoa  pore kwa familia  hiyo  ya Chonanga na  kuwaomba  kuendelea  kuwa na uvumilivu katika  kipindi  hiki kigumu cha maombolezo na  kuwa  wao  katika  chama wapo pamoja na familia  hiyo katika maombolezo hayo .

Waziri  Pinda  amesema kuwa  binafsi kama mlezi  wa CCM mkoa  wa Iringa ameguswa na kifo cha  diwani Chonanga na kuwa kutokana na  kuwa katika  ziara ya kichama mkoa  wa Iringa ameona ni vema  kabla ya  kuanza  shughuli za chama  kufika  kuhani  msiba  huo .

Kwa  upande  wake  mwenyekiti  wa CCM mkoa  wa Iringa Jesca Msambatavangu  alisema  kuwa  CCM wilaya ya Iringa mjini na mkoa kwa ujumla  wamepata  pigo  kubwa  kwa kifo  cha  diwani  huyo na  kusema kuwa  CCM itashiriki kwa  asilimia 100 mazishi  hayo yatakayofanyika mapema  kesho katika kijiji  hicho cha Nduli.

Kwa  upande  wake Greyson Chonanga ambae ni mtoto wa marehemu  Chonanga  ameeleza  kufurahishwa na hatua ya waziri  mkuu  kufika  kuhani msiba  huo na  kuwa  wao kama familia hawakutambua  kuwa msafara mkubwa kama  huo wa kitaifa  ungefika kuhani msiba  huo.

Huku  wakazi  wa eneo hilo la Nduli  wameelezwa  kufurahishwa na umoja  wa kweli  uliopo ndani ya  serikali ya  CCM kutokana na  viongozi  wake  kuwajali watu wa chini  wanaowaongoza na  kuwa  utu ambao  waziri mkuu ameonyesha ni upendo tosha kwa  wana Nduli kwa serikali ya  CCM.

Alisema Adam Kalinga mkazi  wa kata  hiyo ya Nduli ambae alikuwepo msibani hapo  kuwa katika  kuenzi  kazi za marehemu Chonanga  wao wataendelea  kutambua mchango  wake .

Diwani  Chonanga alifikishwa katika  Hospital ya Rufaa ya mkoa  wa Iringa jana majira ya saa 12 asubuhi na majira ya saa 8 mchana  alifariki  dunia   kutokana na kusumbuliwa  na tatizo la ugonjwa wa BP ya kushuka

HABARI NA PICHA ZOTE KWA HISANI YA FRANCIS GODWIN- IRINGA