USHIRIKIANO WA OFISI YA WAZIRI WA NCHINI OFISI YA MAKAMU WA KWANZA WA RAIS, BODI YA MADAWA NA BARAZA LA MAZINGIRA WAPONGEZWA!!

Na Ali Issa  Maelezo  Zanzibar. 9/7/2013

Waziri wa Nchi Ofisi ya Makamu  wa kwanza wa Rais Fatma Abdull Habib Fereji amepongeza ushirikiano uliopo kati ya Ofisi hiyo, Bodi ya madawa na vipodozi Zanzibar na Baraza la mazingira la Tanzania Bara kwa mashirikiano ya kufanikisha  zoezi la kuangamiza unga mbovu uliokuwepo bandarini Zanzibar kuazia mwezi  wa April mwaka uliopita hadi Julai mosi mwaka huu.

Pongezi hizo alizitoa leo huko Baraza la wakilishi wakati alipokuwa akitoa ufafanuzi  juu ya hali halisi ya unga huo ambao haufai kwa matumizi ya binaadamu  .

Amesema unga huo ulioharibika  umeanza kuangamizwa kwa  ushirikiano wa pande mbili  za Muungano  baaada ya Zanzibar kukosa  eneo ambalo litaweza kuhifadhi afya za wananchi wakati wa kuuangamiza.

Amesema Serikali ya Muungano  ilikubali ombi lao  na kuanzia tarehe 14  Mei hadi tarehe 15 Juni kontena 15 za unga  mbovu  ulisafirishwa  kupelekwa Tanzania Bara kwenda kuangamizwa.     

“Tulizungumza na wezetu Tanzania Bara kutupatia eneo la kuteketeza unga huu tuna shukuru wezetu hawakutuvunja moyo walikubali na sasa umeshateketezwa chini ya usimamizi wa Baraza la Mazingiara ”, alisema Waziri huyo.   

Aidha alifahamisha kuwa unga huo unateketezwa na kiwanda cha saruji cha Twiga simenti kilioko Tanga kwa makubaliano ya Wizara yake , Bodi ya madawa na vipodozi na msimamizi baraza la mazingira la Tanzania Bara.

Amesema kuanzia sasa hakutakuwa na muhali na vyakula vibovu vinavyo letwa na wafanya biashara  na  amewaomba  wananchi washirikiane kufichua maovu hayo ili kulinda afya zao .

Unga huo  unaofikia tani 780 uliingizwa nchini Aprili mwaka jana na  Kampuni ya  Bopary Inteprise   kutoka nchini uturuki.