ROONEY TAYARI KWA VITA YA MSIMU MPYA, ZAHA AFURAHIA KUANZA MAZOEZI KWA MARA YA KWANZA!!

Na Baraka Mpenja kwa msaada wa Sportsmail.com

Kocha mpya wa mabingwa wa soka nchini England, Mashetani wekundu wenye makazi yao katika dimba la Old Trafford, David Moyes ameanza maisha yake mapya akiwa na United badala ya Everton na leo hii amewaweka pamoja wachezaji wake katika uwanja wa mazoezi wa klabu hiyo wa Carrington akiwaongoza kufanya mazoezi.

Moyes aliambatana na msaidizi wake Steve Round tofauti na kocha aliyemrithi mikoba, Sir Alex Ferguson ambaye alikuwa anasaidiwa na  Mike Phelan pamoja na Rene Meulensteen na kuifanya United kuwa timu bora kwa muda mrefu.

Nyota asiyetabirika kwa sasa kama atabaki United au la!, Wayne Rooney, nyota mpya aliyesajiliwa Wilfried Zaha na kocha mchezaji, mkongwe Ryan Giggs ni miongoni mwa wachezaji waliohudhuria katika jalamba hilo la kujiandaa na msimu mpya wa ligi kuu soka nchini England.

Karibu kwa wanaume dogo: Meneja wa United,  David Moyes akimsalimia nyota mpya wa klabu hiyo Wilfried Zaha

Mwanzo mzuri: Zaha aliweka picha hiyo Instagram leo

Zaha ana kazi kubwa ya kumvutia kocha wake Moyes ili kuondoa taarifa za kocha huyo kuwa ana mipango ya kumtafutia tena timu ya kucheza kwa mkopo ili akatafute uzoefu zaidi.

Nyota huyo alisajililiwa kutoka Crystal Palace kwa ada ya uhamisho ya pauni milioni 15, ameonekana kuwa na furaha kubwa sana kucheza Old Trafford.

Zaha mwenye umri wa miaka 20 amefurahishwa na kuanza mazoezi kwa mara ya kwanza na klabu ya United na aliandika katika ukurasa wake wa mtandao wa kijamii wa Twita kuwa “Siku yangu kubwa ya kwanza”.

Wakati Zaha akifurahia kupiga matizi United, kocha wa United, Moyes anasemekana kuwa na kazi ya kuunganisha kikosi chake, na amekubali kuendeleza utamaduni wa soka la mashetani hao wekundu.

“Ninataka kucheza aina ile ile ya soka, utamaduni ule ule wa kucheza soka la kuonesha burudani na kuwafurahisha mashabikin, kikubwa ni kushinda na nitahakikisha nashinda kama Sir Alex Ferguson”. Alisema Moyes.

Akionesha shughuli: David Moyes akiwa na timu katika  mazoezi ya kwanza

Hapa ni pasi tu: Moyes akiwatazama wachezaji wake wakifanya mazoezi

 Moye akizungumza na msaidizi wake Steve Round 

Wakipasha moto misuli: Danny Welbeck na Rio Ferdinand

Tabasamu kubwa: Wayne Rooney ameonekana mwenye furaha wakati wa mazoezi ya United baada ya msimu uliopita kutofautiana na Sir Alex Ferguson