RONALDO AWAHARIBIA UNITED, AFUNGUKA MAISHA YAKE YA BAADAYE BADO YAPO BERNABEU, SHUGHULI YAMVIMBIA SIR FERGUSON!!

Na Baraka Mpenja kwa msaada wa Sportsmail.com

Mshambuliaji hatari wa klabu ya Real Madrid na timu ya taifa ya Ureno, Cristiano Dos Santos Aveiro Ronaldo amemaliza uvumi wa kurudi katika klabu yake ya zamani ya Manchester United , baada ya leo hii kukomelea msumari wa moto kwa kuendelea kusisitiza kuwa maisha yake ya baadaye bado yapo Santiago Bernabeu.

Nyota huyo raia wa Ureno anayeshikilia rekodi ya dunia kwa kuhamishwa kwa bei ya juu zaidi ya pauni milioni 80 kutoka United kwenda Real Madrid mnamo mwaka 2009, anatakiwa na klabu yake hiyo iliompa jina na kuwa Ronaldo wa leo.

Lakini nyota huyo alizungumza na gazeti la Hispania la AS katika mji wa Gala, Monaco na kusema kuwa United ni timu ambayo ipo katika damu yake kwa muda mrefu na kila mtu anajua hilo, ila maisha yake ya baadaye bado yapo Real Madrid.

 

Bado yupo yupo kwanza: Akiongea mjini Monaco, Cristiano Ronaldo amesema maisha yake ya baadaye yapo Real Madrid

“Nikiwa Madrid nataka kupata mataji ya La Liga, na Ligi ya mabingwa. Pia ninatumaini nitafuzu kucheza fainali za kombe dunia nikiwa na kikosi changu cha timu ya Taifa ya Ureno”. Alisema Ronaldo.

Mapema wiki hii , Ronaldo aliuambia mtandao wa Sky Sports: ‘Kiukweli naikumbuka sana ligi ya England, nilipokuwa kule kila mtu alijua kuwa Manchester United ni timu iliyopo karibu na moyo wangu”.

Real wanafanya kila jitihada ya kuhakikisha nyota huyo mwenye umri wa miaka 28 anasaini mkataba mpya, lakini United chini ya Mkurugenzi wake wa klabu kwa sasa, Sir Alex Ferguson wana amini watamrudisha Old Trafford.

Kwa upande wa Ronaldo alisema bado anaendelea na maisha ya Hispania.

‘kwa sasa maisha yangu yapo Hispania na ninafurahi kucheza ligi ya huku. Maisha yangu yapo hapa, lakini maisha ya baadaye huwezi kujua. Nina furaha, furaha, furaha kubwa sana kucheza ligi ya Hispania”. Alisema Ronaldo.

 

Siku zilizotukuka: Ronaldo kwa muda mrefu amekuwa akihusishwa kurudi katika klabu yake ya zamani ya  Manchester United

 

Aliondoka na kuacha mkwanja wa mrefu: Ronaldo aliihama Manchester kwenda Real Madrid mwaka 2009 ada iliyovunja rekodi ya dunia ya pauni milioni 80