MASHALI ATAMBA KUMNYONGA AMOTE KESHO, JK REFA WA KABUMBU, DIAMOND VS PREZZO HAPATOSHI TAMASHA LA MATUMAINI!!

Na Baraka Mpenja 

Mkali wa mchezo wa ndondi ama ndonga nchini Tanzania “Simba Asiyefugika” , kipnezi cha mashabiki jiji Dar es salaam, Thomas Mashali ametamba kumtandika vikali bondia kutoka nchini Kenya,  Patrick Amote katika pambano la mchezo huo litakalopigwa hapo kesho (Julai 7) uwanja wa Taifa jijini Dar es saalam  katika Tamasha la Matumaini ambalo mwaka huu ni maalumu kwa kuchangia Elimu.

Mashali ameumabia mtandao wa MATUKIO DUNIANI kuwa amefurahi kucheza na Mkenya katika Tamasha la kuchangia Elimu ambapo mgeni rasmi atakuwa Rais wa Tanzania mheshimiwa DKT. Jakaya Kikwete, hivyo amefanya maandalizi mazuri kuhakikisha anamshusha Amote ulingoni kwa makonde ya maana.

“Elimu ni muhimu sana, nimefurahi kuwepo katika tamasha hili maalumu, ili kuhakikisha nawafurahisha mashabiki wangu, ninalazimika kumpiga Mkenya na lazima nitafanya hivyo kutokana na maandalizi mazuri niliyofanya”. Alisema Mashali.

Bondia huyo mwenye uwezo wa  juu kwa sasa amekiri kuwa Mkenya Amote ni moja kati ya mabondia wazuri ukanda wa Afrika mashariki, hivyo ni lazima awe makini akiwa ulingoni.

“Amote anaujua mchezo, lakini mimi niko tayari kupambana naye, nimejipanga kuwafurahisha Watanzania watakaokuwepo uwanjani kuchangia Elimu, kikubwa Baba wa nchi atakuwepo, lazima aone shughuli ya mwanawe”. Alisema Mashali.

Pia aliwataka mashabiki kujitokeza kwa wingi katika tamasha hilo la kihistoria kuwahi kutokea nchini Tanzania.

“Joto la Tamasha la mwaka huu si mchezo, mambo ni ya ajabu yatakayofanyika, tujumuike kwa wingi kuchangia Elimu, kwa pamoja tutafika”. Alisema Mashali.

Miongoni mwa burudani za aina yake zitakuwa ngumi za utangulizi ambapo Mheshimiwa Zito Zuberi Kabwe atapanda ulingoni kutunishiana msuli na Vicent Kigosi “Ray”,  Mheshimiwa Halima Mdee atapigana na Jackline Wolper, wakati Aunt Ezekiel atapambana na Mheshimiwa Ester Bulaya.

Burudani ya muziki, msanii mkali wa Tanzania Nasib Abdul “Diamond” kipenzi cha warembo atapambana jukwaani na mkali wa Kenya, Prezzo.

Katika soka Wabunge mashabiki wa Simba na Yanga watashuka dimbani kuwania kombe, na burudani ya aina yake ni kwamba, Mheshimiwa Rais wa Jamhuri ya Muungano wa Tanzania, DKT. Jakaya Mrisho Kikwete atakuwa mgeni rasm na refa wa mechi hyo.

Hakika ni maMbo ya ajabu sana, “Presidaa” atachezesha mechi? Kwa pamoja Watanzania tujitokeze kwa wingi zaidi hapo kesho.