MANCHESTER UNITED SASA WAANDAA DAU NONO LA PAUNI MILIONI 36 KUWASHAWISHI BARCA JUU YA FABREGAS!!

Na Baraka Mpenja kwa msaada wa Sportsmail.com

Mabingwa wa soka nchini England, klabu ya Manchester United, wanatarajia kuweka ofa ya mwisho ya pauni milioni 36 ili kumsajili kiungo wa Barcelona, Cesc Fabregas.

Lakini vyanzo vya habari vinaeleza kuwa Fabregas amesema ataendelea kukipiga Nou Camp endapotu  kocha wake mpya Gerardo Martino atathibitisha kumhitaji.

Fabregas ataanza mazoezi na kikosi cha Barca hapo kesho na mapema akifika atakuwa na mazungumzo na kocha Martino.

Kocha wa United David Moyes anatamani kumpata mchezaji huyo wa kwanza kwake kumsajili Old Trafford na anataka kutuma dauhilo endapo Fabregas ataonesha nia ya kuihama Barca.

Tayari United walishatuma ofa ya pauni milioni 26 na 30 zikapigwa chini, sasa wanaongeza sita na kama nyota huyo na nahodha wa zamani wa Arsenal atakubali kuondoka Katalunya.

Mzungumzo: Cesc Fabregas  ataendelea kukipiga  Barcelona endapo tu kocha wake mpya atamthibitishia namba katika kikosi chake, kwahiyo kazi kwa bosi Gerardo Martino

Bosi  Manchester United,  David Moyes atawapima  Barcelona kumuachia Fabregas kwa dau la pauni milioni 36

Moyes anaona Fabregas ni suluhisho la kuimarisha kiungo chake msimu ujao, hivyo hataki kukata tamaa kama matumaini ya kumsajili yapo.

 United pia wanajiandaa kurudi Everton kuzungumza nao ili wamsajili beki wa kushoto wa klabu hiyo ,Leighton Baines, licha ya klabu hiyo kugoma ofa waliyotuma awali ya pauni milioni 12.

Marouane Fellaini, pia ni mpango wa B kwa Moyes endapo watashindwa kumsajili Febregas hadi kufikia Agosti 14.

 Mpango B:  Marouane Fellaini  anaweza kujiunga na bosi wake wa zamani David  Moyes,  Old Trafford