Na Baraka Mpenja kwa msaada wa Sportsmail.com
“Kifo hakina Huruma” alishaimba Doctor Remy Ongala aliyetangulia mbele ya haki, Matonya aliimba Dunia Mapito, tuombeana wote ili tuende salama, kwani hujui siku yako lini”, pia Kila nafsi itaonja mauti. Lakini inauma sana unapompoteza ndugu ndani ya muda mfupi angali bado unamhitaji.
Safari ya CHUCHO hapa Duniani yakamilika akiwa kijana mdogo.
Mchezaji Christian Benitez, Chucho, aliyekuwa anaichezea klabu ya Birmingham City nchini England ambaye kwa sasa alikuwa anaichezea klabu ya El Jaish ya Qatary, amefariki dunia akiwa na miaka 27 kwa matatizo ya shinikizo la damu.
Nyota huyo raia wa Ecuador aliyekuwa anawaniwa na Tottenham majira haya ya joto alikamilisha dili la uhamisho la pauni milioni 10 na kuelekea El Jaish akitokea katika klabu moja ya Mexco wiki chache zilizopita.
Benitez aliichezea timu yake jana usiku dhidi ya Qatar SC, lakini dakika chache baada ya mechi alilazwa hospitalini kwa matatizo ya maumivu makali ya tumbo.
Tanzia: Christian Benitez, aliyekuwa anaichezea Birmingham, amafariki dunia akiwa na miaka 27 kwa matatizo ya shinikizo la damu
Shirikisho la soka la Ecuador limetoa taarifa kuwa: “FEF inasikitika kutangaza kifo cha Christian Benitez, mshambuliaji wa klabu ya Qatar , Al Jaish na timu ya taifa ya Ecuador “.
‘Benitez, alikuwa na klabu yake mpya nchini Qatar, baada ya mchezo alikumbwa na maumivu makali ya tumbo na kupelekwa hospitali na saa chache baadaye alipoteza maisha”
Shirikish hilo limetoa pole kwa familia ya marehemu Benitez, wazazi, mke, watoto, ndugu, jamaa na marafiki wa Christian Benetiz.
Mwenyezi Mungu ailaze mahala pema peponi roho ya marehemu. Amen
Nyota Benitez (kulia) enzi za uhai wake 
Mungu ampumzishe mahala pema peponi: Winga wa Manchester United , Antonio Valencia (kushoto) akiwa katika pozi na rafiki yake Benitez enzi za uhai wa marehemu
0 comments:
Post a Comment