ROONEY APASUA KICHWA CHA WENGER, ATAKA KUVUNJA BENKI, FABREGAS NAYE ATAKIWA EMIRATES!!

Na Baraka Mpenja kwa msaada wa Sportsmail.com

Meneja wa washika bunduki wa jijini London, klabu ya Arsenal, Mfaransa Arsene Wenger ameendelea kusisitiza nia yake ya kumsajili nyota wa Manchester United na timu ya taifa ya England Wayne Rooney katika usajili wa majira ya joto mwaka huu.

Nyota huyo ambaye usiku wa jana alitumbukiza kimiana bao safi na kuipa timu yake ya taifa sare ya mabao 2-2 dhidi ya Brazil, ameonekana kuhitaji kuihama klabu ya Manchester United msimu ujao wa ligi barani ulaya.

Mwezi uliopita MATUKIO DUNIANI  kupitia mtandao wa kimichezo wa Sportsmail.com  ilitoa taarifa kuwa The Gunners wanataka kuvunja benki na kumsajili Rooney huku wakitangaza mshahara mnono wa pauni laki mbili na nusu na kumfanya nyota huyo kulipwa mkwanja mrefu kuliko wote Emirates.

Leo hii mzee Wenger bado ameendeleza kutangaza nia yake hiyo ya kumsajili Rooney mwenye umri wa miaka 27 sasa.

“Rooney ni mchezaji anayemvutia kila mtu duniani, nani anaweza kukataa hilo?” . Wenger ameimbia Televisheni ya Al Jazeera.

Wenger aliongeza kuwa Changamoto ya kwanza kwa kocha mpya wa United, David Moyes ni kuvunja tofauti za Rooney na United kama anataka kumbakisha, vinginevyo lazima atua katika rada zake.

Mbali na Rooney, Wenger anatamani kumrejesha nahodha wake wa zamani Cesc Fabregas ambaye hana namba katika kikosi cha kwanza cha Barcelona, wakati huo huo David Moyes wa United naye alitangaza kuitaka saini ya Mhispania huyo ili kuziba pengo la Mkongwe Paul Scholes.

Anamuumiza kichwa Wenger: Jembe la United, Wayne Rooney anasemekana anataka kuihama timu yake ya sasa na kunagalia maisha mapya.

 

Bonge la Goli: Rooney alifunga bao kali sana katika mchezo wa jana na kuipa sare ya mabao 2-2 timu yake ya taifa ya England dhidi ya wazee wa Samba, timu ya taifa ya Brazil katika dimba la Maracana.

 

Soka amani tu: Rooney akisalimiani na beki wa timu ya taifa ya Brazil na klabu ya Barcelona ya Hispania, Dani Alves  baada ya mechi yao katika uwanja wa Maracana

 

Fulu mzuka: Rooney alicheza na Alex Oxlade-Chamberlain kuipa sare ya mabao 2-2 England, sasa wanaweza kucheza timu moja kama Arsenal wataweza kumwaga kitia cha kutosha

 

Hajatulia Barca: Cesc Fabregas aliondoka Arsenal mwaka 2011 na kujiunga na Barca, sasa hana namba katika kikosi cha kwanza na inasemekana anataka kurudi Emirates kwa mara nyingine tena

 

Mlezi kwa kweli: Arsene Wenger (kulia) alimkuza kijana mwenye kipaji kikubwa Fabregas na kuwa mchezaji nyota zaidi duniani