PELLEGRINI ASEMA NASRI BADO JEMBE, AMTAKA KUSAINI MKATABA MPYA!!

Na Baraka Mpenja kwa msaada wa Sportsmail.com

Kocha mpya wa Manchester City, Manuel Pellegrini anatarajia kumpa mkataba mwingine mchezaji nyota wa klabu hiyo, Mfaransa Samir Nasri.

Nasri amekaa City kwa misimu miwili tangua ajiunge na miamba hiyo akitoka kwa washika bunduki wa jiji la London Arsenal.

Kulikuwa na taarifa zilizoenea kuwa klabu ya Man City anataka kumuuza Nasri ili kupata fedha za kuwasainisha wachezaji wengine katika safu ya ushambuliaji, lakini kocha Pellegrini amesema nyota huyo ana nafasi na mchango kwa timu yake, hivyo anataka kumpa mkataba katika dirisha la majira ya joto ya usajili barani Ulaya.

Bado anahitajika: Samir Nasri (kulia) alikuwa na mahusiano mazuri sana na kocha aliyetimuliwa kazi, Roberto Mancini na sasa bado anaonekana kupendwa na kocha mpya, Manuel Pellegrini baada ya kutangaza kumpa nafasi nyingine Etihad

Derby ya Manchester: Nasri akipambana na Danny Welbeck katika mechi ya ligi kuu soka nchini England ambapo City walishinda  2-1 mwezi wa tatu mwaka huu

Inafahamika kuwa kocha Pellegrini aliyejiunga rasmi na Man City mwishoni mwa wiki iliyopita amemuambia mkurugenzi wa klabu hiyo, Txiki Begiristain kwamba anaiona nafasi ya Nasri siku za usoni kama atapenda kubaki.

Tayari City wameshamsainisha Mhipania Jesus Navas na sasa wanapambana na Real Madrid kumuwinda nyota wa Malaga, Isco.

 

Bosi: kocha mpya wa Manchester City Manuel Pellegrini akiwa katika mkutano na waandishi wa habari