NEYMAR ATAKA KUMFANYA MESSI AENDELEE KUWA MCHEZAJI BORA WA DUNIA, ATAMBULISHWA RASMI KWA MKATABA WA MIAKA MITANO!!

Na Baraka Mpenja kwa msaada wa Sportsmail.com

Nyota wa Brazil Neymar Da Silva ametambulishwa leo katika klabu ya Barcelona na kuungana na nyota wa miamba hiyo ya Dunia Andrew Lionel JorgE Messi ambapo watacheza katika safu hatari ya ushambuliaji.

Nyota huyo mwenye kipaji cha hali ya juu amesaini mkataba wa miaka mitano kuitumiki klabu yake mpya baada ya kufanya kazi iliyotukuka katika timu ya Santos ya kwao Brazil.

Neymar alisafiri jana usiku baada ya kumalizika kwa mechi ya kirafiki ya timu yake ya taifa ya Brazil dhidi ya England iliyomalizika kwa sare ya kufungana mabao 2-2 na leo hii imefuzu vipimo katika klabu ya Barca na kutambulishwa mbele ya umati mkubwa wa mashabiki wa klabu hiyo katika dimba la Camp Nou.

Katika mahojiano na waandishi wa habari baada ya kutambuliwshwa rasmi, Neymar alisema “Nimekuja hapa kumsaidia na kumsaidia Messi ili aendelee kuwa mchezaji bora wa dunia”.

Neymar alisisitiza kuwa amefurahi sana kuwa mchezaji wa Barcelona kwani ilikuwa ndoto yake, hivyo ataifanyia makubwa zaidi na kuifanya endelee kuwa klabu bora zaidi duniani.

Kazi imebaki kwa kocha Tito Vilanova kufanya maamuzi jinsi atakavyowachezesha nyota hao wawili, lakini kiungo fundi Andres Iniesta ana uwezo wa kuwalisha wote wawili mipira ya maana endapo watacheza pamoja.

 

Amefika kwa mafundi wenzake: Neymar ametambulishwa rasmi leo Camp Nou na kujiunga na nyota wa dunia Lionel Messi

 

Karibu Camp Nou: Mbrazil Neymar amesaini mkataba wa miaka mitano kuichezea Barca ya Messi

 

Maufundi ya kufa mtu: Neymar alionesha kipaji cha hali ya juu leo Camp Nou, alichezea gozi kama kazaliwa nalo

Nyota huyo amefuzu vipimo vya afya na anatarajiwa kuanza kuitumika klabu ya Kalalunya juni 28 mwaka huu, na leo hii amepimwa mbele ya rais wa Barca, Sandro Rosell, Makamu wake, Josep Maria Bartomeu na mkurugenzi wa michezo, Andoni Zubizarreta.

Mpaka sasa ada ya uhamisho haijawekwa wazi

 

Daaah! nyota huyu na mwenzake: Neymar anajiunga na Lionel Messi kuongoza safu hatari ya ushambukiaji ya Baraca

Fulu shangwe: Rais wa Barcelona, Sandro Rosell amemkaribisha Neymar, Nou Camp

 

Nyomi kubwa mnooo!: Neymar akiwapungia mkono mashabiki wa Barcelona waliofurika Camp Nou na kwa mara ya kwanza ametembea katika dimba hilo

 

Madogo wanaoshabikiwa Barca: Neymar akiwa hai mashabiki watoto wa Barca katika dimba la Camp Nou

 

Vipimo vya afya: Neymar amefuzu zoezi hilo.