MOURINHO ATUA LONDON LEO, ASEMA MWISHONI MWA WIKI HII ANAANZA KIBARUA DARAJANI!!

Na Baraka Mpenja kwa msaada wa Sportsmail.com

Kocha mwenye jina kubwa na maneno mengi Mreno Jose Mario Dos Santos Mourinho Ferlix amethibitisha rasmi kuwa mwishoni mwa wiki hii atakuwa kocha wa wazee wa London, Chelsea baada ya kutimka Real Madrid wikiendi iliyopita.

“Naelekea London leo jumatatu na mwishoni mwa wiki hii nitakuwa kocha wa Chelsea”. Mourinho ameiambia Televisheni ya Spanish TV.

Mourinho alisisitiza kuwa mashabiki wa Chelsea na viongozi wa klabu hiyo wanampenda sana na ukiwa binadamu lazima uangalie hilo katika maisha.

Kocha huyo alisema maisha ni mazuri lakini mafupi, hivyo unatakiwa kufanya kile unachodhani ni kizuri, na ndio maana anarejea Chelsea.

Mourinho aliingoza klabu yake katika mechi ya mwisho ya La Liga dhidi ya Osasuna ambapo walishinda mabao 4-2 na sasa yuko njiana kuenda zake kwa bosi wake Roman Abramovich, mmiliki wa Chelsea mabaye walitibuana mwaka 2006.

 

Anarudi England: Jose Mourinho anarudi zake London leo hii na kukamilisha maneno ya watu kuwa anarudi Chelsea

 

Kwaheri Santiago Bernabeu: Jose Mourinho katika mchezo wake wa Mwisho wa ligi kuu nchini Hispania kabla ya kurejea England kuwa kocha mkuu wa Chelsea.

 

Mawazo mchanganyiko: Baadhi ya mashabiki wa Madrid walimshukuru Mourinho wakati wengine walisema hawataki kumuona tena katika maisha yao’