WAZEE WA KATALUNYA, FC BARCA WASHANGILIA UBINGWA WA 22 KWA KISHINDO!!

Na Baraka Mpenja kwa msaada wa Supersport.com na sportsmail.com

Wazee wa Katalunya, klabu ya FC Barcelona, jana wameshangilia ubingwa wao wa 22 katika ligi ya Hispania ambapo mashabiki wake walijipanga katika barabara za mji wa Katalunya kuwashangilia wachezaji wao wanaoongozwa na kocha Tito Vilanova.

Mashabiki wapatao laki tano walijipanga jana usiku katika mji wa Barcelona kumuona mshambuliaji nyota wa klabu hiyo raia wa Argentina Lionel Andrew Jorge Messi akiwa katika basi lililopambwa kwa rangi ya bluu na nyekundu.

Barcelona walitawazwa mabingwa wapya wa Hispania na kuwapokonya taji Real Madrid jumamosi ya wiki iliyopita baada ya  madrid kutoka sare ya 1-1 na Espanyol na hivyo kuwa nyuma kwa pointi saba huku Barca akiwa na mechi mbili mkononi.

Messi akakomelea msumari wa moto jumapili ya wiki iliyopita baada ya kuwafunga Atletico Madrid na kuongeza pengo la pointi hadi kufikia 10, lakini jereha lake la msuli wa paja linazidi kumsumbua na kuna uwezekano asicheze mechi mbili zilizosalia.

Bila Messi ambaye anaongoza kwa kupachika mabao mengi kimiani (magoli 46) Barca itakuwa na kibarua cha kufikisha pointi 100 katika michezo iliyosalia kama Madrid walivyofanya msimu uliopita.

Licha ya kutwaa ubingwa wa La Liga, katika michuano ya ligi ya mabingwa barani ulaya msimu huu, Barca walitandikwa nje ndani na wekundu wa Kusini mwa Ujerumani, Bayern Munich.

Walifungwa 4-0 Allianz Arena na wakafungwa 3-0 Camp Nou jijini Barcelona.

Mafanikio makubwa: Kocha Tito Villanova

 

Barca ni miongoni mwa klabu kubwa na maarufu duniani, imepata mafanikio makubwa sana Hispania na duniani kwa ujumla

 

 

Lionel Messi alikuwepo kwenye sherehe hizo na kushangiliwa na umati mkubwa wa mashabiki wa Barca

 

Daaah! ubingwa raha sana, cheki vivazi vya baadhi ya majamaa leo

 

 

Gwaride la aina yake, Mbrazil Dani Alves huwa hana aibu

 

 

Mtandao wa kijamii: Cesc Fabregas ametweet picha akiwa na Messi na Alexis Sanchez