PEREZ ATANGAZA VITA NA TIMU ZA ULAYA, ASEMA RONALDO ATALIPWA ZAIDI YA MCHEZAJI YEYOTE DUNAINI!!

Na Baraka Mpenja kwa msaada wa Sportsmail.com

Miamba ya soka la Hispania, Real De Madrid imetangaza vita kwa timu zinazomkodolea macho mshambulijai nyota wa klabu hiyo, Mreno Cristiano Dos Santos Aveiro Roldo ili zimsajili msimu wa majira ya joto ya usajili barani ulaya mwaka huu.

Rais wa Real Madrid Florentino Perez amesema ili kuhakikisha wanazipiku timu zote hasa timu yake ya zamani ya Manchester United, wanaandaa dau nono la kumlipa nyota wao ili awe mchezaji anayelipwa vizuri zaidi duniani.

Hii imetokea siku chache baada ya Mreno Jose Mourinho kutangaza kuihama klabu hiyo huku akidaiwa kutimka na Ronaldo kwenda naye Chelsea.

“Napenda kuona Ronaldo anakuwa mchezaji wa kwanza kulipwa dau nono duniani. Tunajiandaa kufanya kila linalowezekana kumlipa mshahara mkubwa ili aendelee kuwa na furaha klabuni kwetu”. Alisema Perez.

Nyota huyo wa zamani wa Manchester United anatajwa kurudi katika klabu yake ya zamani ya United, pia anahusishwa na kuhamia PSG ambao wametangaza kitita kikubwa zaidi kwa mchezaji huyo.

Licha ya kuwepo kwa maneno yote hayo, leo hii Perez ametangaza vita na amesisitiza Madrid itavunja benki na kumlipa pesa nyingi zaidi kuliko wachezaji wote duniani.

 

DILI KUBWA KWA MRENO: Rais Perez  anajiandaa kuvunja benki ili kumbakisha Ronaldo

 

NYOTA WA KWELI: Ronaldo anajiandaa kucheza msimu mwingine akiwa na Real licha ya kumaliza msimu bila kutwaa taji lolote

Tangu Ronaldo ajiunge na Real Madrid mnamo mwaka 2009 kutoka Manchester United kwa ada ya uhamisho wa pauni milioni 80, ametia kambani mabao 146 katika mechi 135 alizokipiga nchini Hispania.

Wakati Real wakijipanga kumbakisha Ronaldo, leo Perez amesisitiza kuwa mpaka sasa hawajui nani atakuwa kocha mpya wa klabu hiyo, lakini suala hilo litawekwa wazi wiki ijayo huku mchezaji nguli wa Ufaransa na klabu hiyo Zinedine Zidane akipewa dili la kusaka kocha mpya.

Kazi ya kwanza kwa Zidane ni kumleta Gareth Bale katika ligi ya La Liga akitokea katika klabu ya Tottenham Hospur hata kama itawagharimu pauni milioni 65 potelea mbali.

 

WENYE FEDHA ZAO: Perez (juu) na Zidane (chini)  wamesema wanataka kuwaunganisha Ronaldo na Bale katika dimba la Bernabeu ili wapinzani wao wakione cha moto msimu ujao, wamekubali kumchukua kwa pauni milioni 65

 

Zidane amekuwa akihusishwa sana na Real katika masuala ya usajili tangu astaafu kucheza soka mwaka 2006, na safari hii amepewa Jukumu la kumpeleka Bale Bernabeu

ANAWINDWA AKALE MAPESA HISPANIA: Bale kwa sasa amegeuka lulu kutokana na uwezo wake wa kufanya mambo makubwa akiwa dimbani