MANC CITY VS WIGAN FAINALI YA FA HAPATOSHI WEMBLEY LEO!!

Na Baraka Mpenja kwa msaada wa Spormail.com, Soka In Bongo

WAMEPOKONYWA TAJI lao la Ubingwa wa England na Manchester United, wametupwa nje hatua ya Makundi ya UEFA CHAMPIONZ LIGI na sasa wamebakisha FA CUP tu kuokoa Msimu wao, na pengine kumnusuru Meneja wao Roberto Mancini, Manchester City leo hii majira ya saa moja na robo usiku wanacheza fainali ya kombe la FA dhidi ya Wigan Athletic, Timu ambayo ipo hati hati kushushwa Daraja.

Hii ni Fainali ya 10 kwa Man City kwenye FA CUP na kwa Wigan ni Fainali ya kwanza tangu Timu yao ianzishwe Mwaka 1932.

Kwa Man City, hii ni Mechi rahisi hasa kwa kukutana na Wigan Athletic ambayo kwenye Ligi, BPL,Barclays Premier League, ipo hatarini kushusuhwa Daraja.

Manchester City wanatinga Fainali ya FA CUP kwa mara ya 10 tangu kuundwa kwa Timu yao na wametwaa Kombe hili mara 5 katka Miaka ya 1904, 1934, 1956, 1969 na 2011.

Pia, Man United wameshatokea Washindi wa Pili mara 4 katika Kombe hili Miaka ya 1926, 1933, 1955 na 1981.

Man City wakiwa ndio wamechaguliwa kuwa ‘wenyeji’ kwenye Fainali hii, Wigan watalazikimika kuvaa Jezi zao za ugenini Nyeusi.

Hii itakuwa ni Fainali ya 132 ya FA CUP na ya pili kudhaminiwa na Budweiser, Kampuni ya Bia.

Mshindi wa Mechi hii hucheza EUROPA LIGI  kwa Msimu unaofuata lakini kwa vile Man City wameshafuzu UCL, UEFA CHAMPIONZ LIGI, kwa kutwaa nafasi ya Pili nyuma ya Mabingwa Manchester United kwenye BPL, Barclays Premier League, Wigan ndio watatwaa nafasi hii ya kucheza EUROPA LIGI

 

Wikiendi bab kubwa: Kocha Manchester City Roberto Mancini  akiwa katika kituo cha Traini jana walipokuwa wanaelekea jijini London

Kitaeleweka leo: mashabiki hawa wa City  wapo tayari kupiga “nduru” mwanzo wa mchezo hadi mwisho.

 

Wachezaji wa Manchester City kama walivyonaswa na kamera ya sportsmail.com katika kituo cha Traini jana.