KESHI ACHAGUA MECHI ZA KUWANIA KUFUZU KOMBE LA DUNIA KULIKO KOMBE LA SHIRIKISHO!!

Stephen Keshi © Gallo Images

 

Na Baraka Mpenja kwa msaada wa Supersport.com

 

Kocha wa timu ya taifa ya Nigeria “Super Eagles” na mabingwa wa soka barani Afrika,Stephen Keshi amesema anapendelea sana na kuweka umakini mkubwa katika mechi za kuwania kufuzu fainali za kombe la dunia mwakani nchini Brazil kuliko kombe la shirikisho linalosimamiwa na FIFA ambalo litafanyia Barzili pia.

Keshi ambaye yuko na kikosi chake mjini Nuremberg nchini Ujerumani akijiandaa kuvaana na timu za taifa za Kenya na Namibia katika mechi za kuwania kufuzu kombe la dunia zitakazopigwa mwezi juni mwaka huu alisisitiza kuwa kombe la shirikisho ni zuri lakini FIFA World Cup ndio kila kitu kwake.

The Super Eagles atacheza kombe la shirikisho baada ya kutwaa ubingwa wa Afrika mwanzoni mwa mwaka huu nchini Afrika Kusini, huku waliokuwa mabingwa watetezi, Zambia wakitolewa mapema hatua ya makundi.

Keshi aliulizwa hivi: Endapo utapewa nafasi ya kuchagua sasa, Kombe la shirikisho au kuwania kufuzu fainali za kombe la dunia, ungechagua nini?

Alijibu bila hata kigugumizi, “Nitachagua mechi za kuwania kufuzu kombe la dunia muda wote. Kweli, kombe la shirikisho ni zuri sana, lakini kamwe huwezi kulifafanisha na kombe la dunia, hakika FIFA World Cup ni kombe la heshima kubwa mno”.

Keshi atakuwa amejifunza sana kwa mabingwa wa Zamani wa Africa, MAFARAO wa Misri ambao waliwekeza nguvu kubwa zaidi katika kombe la shirikisho mnamo mwaka 2009 nchini Afrika kusini, lakini wakasahau kujiandaa na mechi za kuwania kufuzu fainali za kombe la dunia na kutolewa na wapinzani wao wakubwa Algeria.

“Tutalipa uzito wa kutosha kombe la shirikisho, lakini ni lazima mwakani turudi tena Brazil tukiwa moja ya wawakilishi wa Afrika katika michuano ya kombe la dunian”. Alisema Keshi.