HABARI NJEMA KWA UNITED, MOURINHO ANAWEZA KUTUA OLD TRAFORD BAADA YA ABRAMOVICH KUKUNJA MIKONO!!

Na Baraka Mpenja kwa Msaada wa Sportsmail.com

Safari ya Jose Mourinho kurejea Chelsea inaweza kutokamilika na hatimaye kujiunga na Manchester United kumrithi kibabu Alex Ferguson ambaye sasa safari yake imefikia ukingoni baada ya kuiongoza klabu hiyo kwa miaka 27 na kutwaa mataji 49.

Hali hiyo imejitokeza baada ya mmiliki wa klabu ya Chelsea Roman Abramovich  kushindwa kulipa fidia kwa klabu ya Real Madrid kutokana na kuvunja mkataba wa Mourinho na klabu hiyo.

Mwaka 2006 Abramovich alimlipa Mourinho Pauni milioni 18 baada ya kumfukuza na sasa anatakiwa kulipa fidia ya Pauni milioni 20 kama ada ya kumhamisha kocha huyo kurejea darajani

 

Jose Mourinho kurejea Chelsea yapo mawili, kweli au hapana baada ya mmiliki wa klabu hiyo kushindwa kulipa fidia

 Roman Abramovich anaonekana kutokukubaliana na malipo ya fidia kwa klabu ya Real Madrid ili kumnasa Mourinho.
Kocha huyo ndiye chagua namba moja la kumrithi kocha wa muda wa Chelsea Rafa Benitez, lakini Chelsea wanahitaji kuboresha zaidi kikosi chao zaidi ya mwaka 2004 ambapo Mourinho alijiunga kabla ya kufukuzwa 2006  akitokea klabu ya FC Porto ya Ureno.

Mourinho kwa muda mrefu amekuwa akitajwa kumrithi Ferguson lakini kwa sasa kocha wa Everton David Moyes anaonekana kupewa nafasi kubwa zaidi

AKIONESHA MUDA: Sir Alex Ferguson amefundisha kwa miaka 27 ya mtu mzima klabuni Manchester United na sasa Mourinho anatajwa kubeba mikoba yake

ANARUDI: Mourinho alishinda mataji mawili ya ligi kuu akiwa na Chelsea mwaka 2005 na 2006

Rafa Benitez jana alifunguka kuwa dunia nzima inajua kuwa Mourinho anataka kurudi tena darajani.

Benitez Alisema ” Unajua kila mtu anajua kuwa msimu ujao Chelsea itakuwa na kocha mpya na hiyo inajulikana wazi, kila mtu anajua nani anakuja sasa. Mimi naangalia zaidi kazi yangu ya sasa na si kuangalia ya mbele”.

 

Chelsea wanahitaji kumdhibiti zaidi Mourinho baada ya kurejea kuliko mwaka 2004 hapo juu