FAINALI KUSAKA MOJA KUPANDA BPL: PALACE YAIKUNG`UKA WATFORD NA KURUDI LIGI KUU!!

Na Baraka Mpenja Kwa Msaada wa Sportsmail.com

MKONGWE anaekaribia Miaka 40, Kevin Phillips, leo amewapandisha Daraja Crystal Palace baada yakufunga Penati katika Dakika ya 105 baada Mchezaji Nyota wa Fainali hii, Wilfried Zaha, Chipukizi wa Manchester United, kuchezewa faulo katika Fainali ya Mechi za Mchujo ya kupandisha Timu moja iliyochezwa Uwanja wa Wembley na Crystal Palace kuifunga Watford Bao 1-0.

Crystal Palace inaungana na Timu zilizopanda moja kwa moja Mabingwa wa Daraja la Championship, Cardiff City, na Timu iliyomaliza Nafasi ya Pili, Hull City, kupanda Daraja na kucheza BPL, Barclays Premier League, Msimu ujao wa 2013/14 utakaoanza Agosti 17.

Hadi Dakika 90, ambazo Crystal Palace walionekana bora huku Wilfried Zaha akitamba, Bao zilikuwa 0-0 na Dakika za Nyongeza 30 zikaongezwa.

Katika Dakika ya mwisho ya Kipindi cha Kwanza cha Dakika 15 mwanzo za Nyongeza 30, Zaha alipokuwa akichanja mbuga ndani ya Boksi Beki wa Watford, Marco Cassetti, alimkata na Refa Martin Atkinson hakusita kuashiria Penati.

Penati hiyo, licha ya Kipa wa Watford, Manuel Almunia, Kipa wa zamani wa Arsenal, kuifuata, ilipigwa na kufungwa kifundi na Mkongwe Kevin Phillips ambae aliingizwa toka Benchi kwenye Kipindi cha Pili cha Dakika 90 za mwanzo.

Crystal Palace

-Crystal Palace wamerudi tena BPL kwa mara ya 5, ikiwa ni Rekodi, baada ya kupanda Daraja mara 4 hapo nyuma lakini mara zote walidumu Msimu mmoja tu kwenye BPL katika Misimu ya 1992/93, 1994/95, 1997/98 na 2004/05.

Akiongea mara baada ya Mechi hii, Wilfried Zaha, Miaka 20, ambae ndie aliteuliwa Nyota wa Mchezo huu, alisema: “Nimechoka na sina hata cha kusema! Ni ndoto iliyotimia! Hiki ndicho nilichotaka, kuiacha Palace nikijua wanatinga Ligi Kuu!”

Zaha alianza kuichezea Crystal Palace tangu ana Miaka 10 tu na Januari Mwaka huu, Sir Alex Ferguson, Meneja wa Manchester United anaestaafu, alimnunua ili achezee Old Trafford lakini akabakishwa Crystal Palace kwa Mkopo hadi Msimu huu unapomalizika na sasa amemaliza kwa furaha kwa kuipandisha Daraja.

 

Super Eagles: Crystal Palace wamerudi tena ligi kuu soka nchini England baada ya kuikosa kwa miaka saba

VIKOSI:

Crystal Palace: Speroni, Ward, Gabbidon, Delaney, Moxey, Zaha, Jedinak, Garvan, Dikgacoi, Williams, Wilbraham

Akiba: Price, Richards, Bolasie, Phillips, O’Keefe, Ramage, Moritz.

Watford: Almunia, Doyley, Ekstrand, Cassetti, Anya, Chalobah, Hogg, Pudil, Abdi, Deeney, Vydra

 

Wilfried Zaha aliifungia bao timu yake kwa mkwaju wa penato baada ya kufanyiwa madhambi na Marco Cassetti

 

ZAWADI KUBWA: Mkongwe Kevin Phillips amefunga bao la ushindi na kuirudisha ligi kuu Engalnd

 

NTOTA YAKE JAMANI: Zaha amecheza kwa kiwango kikubwa sana na kuwa mchezaji bora wa mechi hiyo

 

MTU MAALUMU: Kocha anayeondoka Real Madrid, Mreno mwenye maneno mengi Jose Mourinho alihudhuria mechi hiyo iliyochezwa uwanja wa taifa wa Wembley

 

SHANGWE KUBWA: Mashabiki wa Crystal Palace wakishangilia katika uwanja wa Wembley

 
Mashabiki wa  Watford wakishangilia timu yao kabla ya kuanza kwa kipute hicho