CHELSEA WASAFIRI KUWAFUATA BENFICA, KIPUTE KIZITO KESHO AMSTERDAM ARENA!!

Na Baraka Mpenja kwa Msaada wa Sportsmail.com

Wazee wa London, klabu ya Chelsea chini ya kocha wa muda, Mhispania Rafa Benitez wamesafiri kuwafuata Benfica ili kuchuana nao katika mchezo wa kwanza wa fainali ya Ligi ya Uropa ambapo kipute hicho cha kukata na shoka kitapigwa katika dimba la Amsterdam Arena nchini Uholanzi siku ya kesho.

Asubuhi ya leo Benitez amewasindikiza vijana wake kutoka uwanja wa mazoezi wa Cobham hadi stendi ya basi tayari kwa safari ya kwenda uwanja wa ndege kuelekea Amsterdam.

Benfica  wataingia dimbani kesho huku wakiwa wameshapokwa ubingwa na wapinzani wao wakubwa FC Porto ambao walitwaa ubingwa huo wikiendi iliyopita.

Nahodha wa Chelse John Terry, mshambulizi Eden Harzad na kiungo bora John Obi Mikel nao wamesafiri leo ingawa wapo hatihati kushuka dimbani hapo kesho kutokana na kuwa majeruhi.

 

Twaenda kuwafuta:  Wachezaji wa Chelsea wakianza safari yao kwenda Amsterdam kuwafuata 

 

Benfica katika mchezo wa kwanza wa fainali ya Ligi ya Uropa.Frank James Lampard ambaye ndio mchezaji aliyeifungia mabao mengi zaidi Chelsea, kesho anatarajia kuongoza safu ya kiungo akisaidiana na David Luiz pamoja na Ramires ambao watakuwa wanawapelekea mipira Juan Mata na Oscar watakaosimama mbele kutafuta nyavu za Benfica.

 

Juan Mata akiingia na kikombe cha kahawa ili kuburudisha nafsi yake, ama kweli kazi na dawa jamani

 

 David Luiz naye amesafiri leo hii kwenda Amsterdam Uholanzi kwa ajili ya kipute cha kesho

 

Wachezaji wa Chelsea katika basi wakitokeo uwanja wa mazoezi wa Cobham wakielekea uwanja wa ndege