BREAKING NEWZZZ!! MIPIRA YA TENGA YALALAMIKIWA MIKOANI, MINGINE YA ZAMANI SANA!!

 

Hii ndio mipira ambayo Tenga alitoa kwa baadhi ya vituo vya soka mikoani

Na Baraka Mpenja

Hivi karibuni rais wa shirikisho la soka Tannzania, Injinia Leodigar Chila Tenga alitangaza kutoa mipira mipya 1200 yenye thamani ya dola za kimarekani elfu 30.

Mipira hiyo ililenga kuendeleza soka la Tanzania hususani soka la vijana.

Tenga alisema itanunuliwa mipira mipya  na vituo vinavyotambuliwa na TFF vitapewa mipira hiyo.

Baadhi ya vyama vya soka mikoani vimegawa mipira 25 kwa kila kituo.

Lakini swali kubwa ni aina ya mipira iliyotolewa, mfano kuna mipira yenye nembo ya NMB, TFF na Malaria Haikubaliki, sasa hii mipira ya NMB imenunuliwa wapi?

Au hata NMB walitoa fedha kwa TFF kumsaidia Rais Tenga kununua mipira hiyo, kama jibu ni ndiyo sio mbaya, lakini mbona kwenye mkutano na waandishi wa vyombo vya habari hiyo haikusemwa?

Wenye majibu ni vyama vya mikoa na viongozi wa TFF, mtandao huu unafanya mawasiliano na viongozi wa mikoa yote na baada ya kupata majibu yao, TFF watafuatwa ili kutoa ufafanuzi wa mipira hii.