BREAKING NEWZ!! MIPIRA ALIYOTOA RAIS TENGA BALAA MIKOANI, INACHANIKA KILA BAADA YA KUCHEZEWA!!

Na Baraka Mpenja

Mnamo tarehe 22/04/2013 siku ya jumatatu Rais wa Shirikisho la Mpira wa Miguu Tanzania (TFF), Leodegar Tenga alitoa mipira zaidi ya 1,200 yenye thamani ya dola 30,000 za Marekani kwa vyama vya mpira wa miguu vya mikoa ya Tanzania Bara na vituo 21 vilivyo hai vya kuendeleza vijana (academies).

 Shirikisho la Kimataifa la Mpira wa Miguu (FIFA) lilimpa Rais Tenga fedha hizo ikiwa ni shukrani kwake kwa kushughulikia mgogoro wa uongozi wa mpira wa miguu nchini Kenya uliodumu kwa miaka miwili; ambapo nchi hiyo kutokana na mgogoro huo ilikuwa na vyama viwili (KFF na FKL).

Akizungumza katika hafla ya kukabidhi mipira hiyo kwenye ofisi za TFF, Dar es Salaam (Aprili 22 mwaka huu), Rais Tenga alisema amefanya hivyo kwa vile anaamini kuwa mipira ndiyo kitu muhimu katika kuinua mchezo huo mahali popote.

 “Dhamira yangi si kushukuru kwa hafla hii, bali kutoa sababu kwa nini nimefanya hivi. Ninaamini kwa kuanzia mipira ndiyo muhimu, pili kwa kufanya hivi itaonekana kweli mipira imegawiwa,” amesema Rais Tenga.

 Vyama vya mikoa ambavyo jumla ni 32 (Tanzania Bara na Zanzibar) kila kimoja kimekabidhiwa mipira 25 (kumi saizi namba tano, 15 saizi namba nne kwa ajili ya vijana). Kwa academies ambazo ni 21 kila moja imepewa mipira 25 (minane saizi namba tano, na 15 saizi namba nne).

Baada ya kutolewa kwa taarifa hiyo wadau wa soka walimpongeza sana rais Tenga kwa kitendo hicho cha kusaidia soka la Tanzania.

Kutoa mipira ni suala zuri na dhamira ya dhati ya Rais Tenga, lakini swali la msingi hii mipira 1200 ilinunuliwa yote ama la, hilo ni swali muhimu sana.

Tumezoea uchakachuzi wa masuala mbalimbali nchini Tanzania na kila mtu anajua wizi unaofanywa na viongozi wetu.

Mtandao huu umefanya jitihada za kufuatilia aina ya mipira iliyogawawiwa kwa vyama vya mikoa na vituo vya soka.

Ni kweli maeneo ambayo mtandao huu umepita vituo vingi vimepata mipira hiyo, je inakidhi vigezo na ndio ile waliyoonesha sampo pale TFF? Hilo ni suala lingine.

Wakati Tenga akizungumza na waandishi wa habari Aprili 22 mwaka huu kuhusiana na kutoa mipira hiyo, hakika alisema ameamua kutumia dola elfu 30 alizopewa na FIFA kama zawadi kununua mpira mipya.

Hakusema kama kuna mipira ambayo ipo TFF ambayo itachanganywa na mipira mipya atayonunua kwa kiasi cha fedha alizotaja.

Wakati kamera zetu zinahaha huku na kule kuangalia ufanisi wa zoezi la ugawaji wa mpira, hakika tumeona mipira ya aina yake ambayo inaonekana katika picha hizo hapo juu.

Kuna mipira ina nembo ya NMB, Malaria na TFF, swali la msingi , hii mipira imenunuliwa wapi?, Je kuna duka la NMB linalouza mipira au hii mipira imetolewa wapi ili ipelekwa mikoani.

Katika mikoa ambayo imechunguzwa ipatayo minne kuna tatizo la mipira hiyo, mingine inaonekana na ya zamani na inachanika ovyo ovyo, sasa ndio mipira aliyonunua Tenga?.

Baadhi ya vituo vilishukuru na kusema kuwa hata vingepewa mipira mibovu kiasi gani, zawadi ni zawadi, sawa wanaweza kuwa sahihi, lakini aliyetoa zawadi alisema atatoa zawadi mbaya, lahasha Tenga hawezi kufanya hivyo, sasa imekuwaje?.

Mtandao huu unaendelea kufanya uchunguzi wa Mipira katika mikoa mbalimbali baada ya hapo utatoa majibu ya mipira hiyo ambayo kuna fununu kuwa inatofautiana na baadhi ya mipira iliyotolewa jijini Dar es salaam.

Kama TFF walichanganya mipira ya zamani na mipya, kwa sasa jibu la moja kwa moja halipo, kinachosubiriwa ni tafiti za mikoani.

Majina ya viongozi wa vituo ambao ndio waathirika wa mipira hiyo tunayo na mahojiano yao, lakini tunaendelea na utafiti, mambo yakikamilika tutatoa jibu lake, endelea kufuatila mtandao huu ili ujue ukweli juu ya mipira hiyo.