BENITEZ APIGWA JICHO LA TATU, ANAWEZA KUMRITHI DAVID MOYES EVERTON!!

Na Baraka Mpenja kwa Msaada wa Sportsmail.com

Baada ya kuisaidia Chelsea kutwaa ndoo ya ligi ya Uropa na leo hii kuwaponda wale wote waliokuwa wanamponda kuwa hawezi kufanya lolote, kocha Mhispania Rafa Benitez sasa milango ipo wazi kujiunga na klabu ya Everton ili kurithi mikoba ya kocha aliyetimukia Manchester United David Moyes.

Benitez aliyeiongoza Liverpool katikati ya 2004 na 2010 atajikuta hana kazi mwishoni mwa msimu huu baada ya mkataba wake wa kuifundisha Chelsea kwa muda kumalizika, huku mmiliki wa klabu hiyo Bilionea Roman Abramovich akimpotezea bila kumuongezea mkataba licha ya kuwapa mafanikio msimu huu.

Licha ya taarifa kuzagaa katika vyombo vya habari kwamba anakaribishwa Everton, Benitez alisema “Ninaiheshimu sana Everton. Wamefanya kazi nzuri sana mwaka uliopita, na lazima niwape sifa. Lakini nafikiri itakuwa ngumu kwangu mimi kwenda Goodison Park, pia itakuwa ngumu kwao kuja kuongea na mimi, hata mimi ni ngumu kwenda klabuni hapo”.

Wakati Benitez akiongea hayo, mkongwe wa wekundu wa Anfield ama majogoo wa jiji, Lejendari Jamie Carragher alisema kocha huyo anaweza kurudi Merseyside kuwanoa Liverpool.

Alipoulizwa kama anaweza kujiunga na Everton, Carragher ameimbia talkSPORT, kwanini hapana?. Wanamtafuta kocha na Benitez anatafuta kazi na anataka kukaa ligi kuu soka nchini England, anapenda ligi hii sana.

 

Benitez akishangilia baada ya kutwaa mzigo ama kombe la ligi ya Uropa katika uwanja Amsterdam nchini Uholanzi katikati ya wiki hii

 

MIAKA YA NYUMA: Benitez na Carragher katika mazoezi ya majogoo wa jiji mwaka 2007

 

Benitez akiwa na kocha wa Everton David Moyes anayetimukia United baada ya kibabu Fergie kustaafu msimu huu utakapomalizika mei 19 mwaka huu