BAYERN MUNICH MABINGWA ULAYA, WAITANDIKA BORUSSIA 2-1, ARJEN ROBBEN SHUJAA, ADONDOSHA MACHOZI!!

Na Baraka Mpenja kwa msaada wa Sportsmail.com

Hakika Wajerumani si mchezo katika soka,  fainali ya ligi ya mabingwa barani ulaya  imepigwa katika dimba la Wembley jijini London usiku huu ambapo kwa mara ya kwanza timu mbili kutoka Ujerumani zimekutana katika mechi kali na ya kusisimua baina ya wekundu wa kusini mwa ujerumani Bayern Munich na nyuki wa kaskazini mashariki mwa nchi hiyo Borrusia Dortmund.

Ilikuwa bonge la mechi, kiukweli ni moja ya fainali nzuri kuwahi kutokea katika historia ya fainali ya UEFA.

Kwa kawaida mechi nyingi za fainali huwa zinapigwa mpaka dakika 120 mpaka mikwaju ya penati kama ilivyokuwa kwa mwaka jana ambapo Chelsea waliifunga Bayern, lakini fainali ya leo imepigwa ndani ya dakika tisini.

Winga hatari wa FC Bayern Mholanzi Arjen Robben ameipatia klabu yake zawadi kubwa sana ya kutwaa ubingwa msimu huu baada ya kufunga bao la pili na la ushindi katika dakika ya 88 ya kipindi cha lala salama.

Bao hilo limetokana na kazi nzuri ya winga mwenye kasi zaidi Frank Ribery aliyempa pasi nzuri Robben na kupachika bao kiufundi zaidi.

Ubingwa leo ni watano kwa Bayern ambao katika misimu minne wamecheza mechi tatu za fainali bila mafanikio.

Bao la Robben limemfanya atoe machozi kutokana na kuwa na kumbukumbu ya kupoteza penati msimu wa mwaka jana na kuwanyima ubingwa Bayern, lakini leo bao lake limekuwa dhahabu kubwa sana kwa mashabiki wa klabu yake.

MABINGWA WAPYA: Bayern Munich wamefanikiwa kuwa mabingwa mara tano wa UEFA baada ya kuwakwanyua Borrusia Dortmund usiku huu.

 

Ni shangwe kubwa sana kwa wachezaji wa Bayern baada ya kutwaa ubingwa wa UEFA usiku huu

Robben akinyanyua mwari wa UEFA, hakika ametafuta sana

 

ILIKUWA NAFASI NZURI: Kipindi cha kwanza kipa Roman Weidenfeller wa Borrusia alimnyima Robben nafasi ya kufunga wakati huo huo Manuel Neuer wa Bayerna nae alimnyima nafasi ya kufunga Robert Lewandowski

 

Robben alipoteza nafasi moja muhimu sana kipindi cha kwanza baada ya kupiga mpira na kumgonga kipa usoni bila kutegemea

 

MATATA: Franck Ribery alipona kupata adhabu baada ya kuonekana baada ya mkono wake kumpiga Lewandowski  katika paji la uso

 

Robben akishangilia bao lake la ushindi usiku huu