>>JUMATANO: REAL v GALATASARAY, DORTMUND v MALAGA!
+++++++++++++++++++++
UCL==UEFA CHAMPIONZ LIGI
RATIBA==ROBO FAINALI:
[Saa 3 Dak 45 Usiku]
Jumanne Aprili 2
Paris Saint Germain v Barcelona
Bayern Munich v Juventus
+++++++++++++++++++++
ROBO
FAINALI za UCL, UEFA CHAMPIONZ LIGI, zitaanza kuchezwa Jumanne Usiku,
Aprili 2, kwa Mechi mbili ambazo Barcelona watasafiri kwenda kucheza
Uwanjani Parc des Princes na Paris Saint-Germain na Juventus kwenda huko
Allianz Arena, Jijini Munich kucheza na Bayern Munich.
Siku inayofuata, Jumatano, zipo pia
Mechi mbili za Robo Fainali kati ya Real Madrid na Galatasaray Uwanjani
Santiago Bernabeu Jijini Madrid na Borussia Dortmund kusafiri kwenda
kucheza na Malaga.
Paris Saint Germain v Barcelona
PSG, baada ya kununuliwa na Matajiri
toka Qatar Miaka miwili iliyopita na sasa wako chini ya Kocha maarufu
kutoka Italy Carlo Ancelotti, wanasaka mafanikio makubwa Barani Ulaya
hasa baada ya kuwekeza Mtaji mkubwa kwa kununua Wachezaji Nyota ili
kuhakikisha hilo na hao ni pamoja na Majina makubwa kina Zlatan
Ibrahimovic na David Beckham.
Lakini mbele yao na kikwazo kikubwa kwao
ni Lionel Messi na Barcelona yake ambayo inataka kuongeza Taji jingine
la Ulaya juu ya yale matatu ambayo wameyatwaa katika Miaka 7 iliyopita.
Wakiwa wamewekeza zaidi ya Dola Milioni
339 katika kununua Wachezaji katika Misimu miwili iliyopita, PSG
watataka kuendeleza Rekodi yao ya Mechi 23 ya kutofungwa Nyumbani
Uwanjani Parc des Princes katika Mashindano ya Ulaya lakini Barcelona ni
hadithi nyingine.
Barca wanategemewa kuungana nae tena
Kocha wao Mkuu Tito Vilanova ambae amekuwa nje kwa Wiki 10 akitibiwa
ugonjwa wa Kansa huko New York, Marekani baada ya kufanyiwa operesheni
Mwezi Desemba kuondoa uvimbe kooni mwake.
Pia, Barca itaimarika kwa kurudi kilingeni kwa Xavi Hernandez na Jordi Alba ambao walikuwa majeruhi.
Akiongelea Mechi hii, Ibrahimovic, ambae
aliichezea Barca Msimu mmoja 2009/10, amenena: “”Nishawahi kucheza
dhidi ya Barca mara moja tangu niondoke kwao na hii ni Mechi spesheli
kwa kila Mtu. Unawafungaje? Swali zuri! Nadhani inabidi tucheze Soka
letu na Kocha ataamua mbinu za kutumia dhidi ya Klabu, bila shaka, bora
Duniani!”
Bayern Munich v Juventus
 |
| FRANK RIBERY MWENYE JEZI NYEKUNDU |
Jumamosi, Bayern Munich, wakiwa na jicho
moja kwenye Mechi hii na Juventus, waliwapumzisha Mastaa wao kadhaa
lakini waliwatandika Hamburger SV Bao 9-2 katika Mechi ya Bundesliga
ambayo wao wanategemewa kutwaa Ubingwa wakati wowote sasa huku wakiwa na
Mechi tele mkononi.
 |
| JUVENTUS |
Kocha wa Bayern, Jupp Heynckes,
aliwapumzisha Thomas Mueller, Franck Ribery na Mario Mandzukic katika
kisago hicho dhidi ya Hamburger.
Wakati Bayern walifika Fainali ya UCL
Msimu uliopita na kufungwa na Chelsea kwenye Fainali iliyochezwa Uwanja
wa Bayern na pia kufungwa kwenye Fainali ya Mashindano haya Mwaka 2010,
Juventus wao ni mara ya kwanza kutinga Robo Fainali tangu washushwe
Daraja huko kwao na kutupwa Serie B Mwaka 2006 kama adhabu kwa kupanga
matokeo Mechi.
Kocha wa Juventus, Antonio Conte,
amesema: “Tunakwenda kucheza Munich kwa furaha na bila woga. Tutakutana
na Timu ngumu Bayern lakini hii ni changamoto ambayo itaonyesha tuko
wapi Barani Ulaya.”
+++++++++++++++++++++++++++
UCL==UEFA CHAMPIONZ LIGI
RATIBA==ROBO FAINALI:
[Saa 3 Dak 45 Usiku]
Jumatano Aprili 3
Malaga v Borussia Dortmund
Real Madrid v Galatasaray
MARUDIANO
Jumanne Aprili 9
Galatasaray v Real Madrid
Borussia Dortmund v Malaga
Jumatano Aprili 10
Barcelona v Paris Saint Germain
Juventus v Bayern Munich
NUSU FAINALI
Mechi ya 1= Tarehe 23 na 24 Aprili 2013
Mechi ya 2= Tarehe 30 Aprili na 1 Mei 2013
FAINALI
25 Mei 2013
UWANJA wa WEMBLEY, London.
0 comments:
Post a Comment