Yajue mafanikio ya jembe Iker Casillas!

Na Baraka Mpenja

kwa msaaada wa Mtandao

Unapozungumzia makipa bora katika ulimwengu wa soka  kwa sasa, ukisahau jina la mlinda mlango namba moja kwa muda mrefu wa Real Madrid ya Hispania,Mhispania, Iker Casillas Fernández utakuwa umetenda dhambi kubwa kwa wapenda michezo duniani.

Katika kikosi cha Real Madrid kinachonolewa na kocha mwenye maneno mengi Mreno, Mario Jose Dos Santos Ferlix Morionho, Casillas amekuwa chaguo la kwanza na nahodha wa klabu hiyo kwa muda mrefu hali ambayo imemfanya ajijengee heshima kubwa miongoni mwa wachezaji wenzake na mashabiki kwa ujumla.

Mlinda mlango huyo anasifika kwa umahiri wake akiwa langoni kwani anafanya vitu vya ajabu hasa timu yake inapohitaji ushindi muhimu.

Makala hii inajaribu kumchambua kiundani mkali huyu wa Ulaya kwa kungalia historia yake ya soka, baadhi ya mafanikioa machache kati ya mengi aliyopata na maisha yake nje ya uwanja.

Casillas alizaliwa mei 20, 1981 katika mji wa Móstoles, uliopo Hispania. Baba yake anaitwa José Luis Casillas, mtumishi wa umma wizara ya elimu na mama yake anaitwa Carmen Fernández González, mwanamitindo wa nywele.

 

Maisha ya soka ya nyota huyo yalianzia katika klabu yake ya Real Madrid mwaka 1990.

Mwaka 1990-91 alianzia soka katika kikosi cha vijana cha Real Madrid na mnamo novemba 1997  akiwa na miaka 16 alitajwa kwenye kikosi cha kwanza cha klabu yake kukabiliana na klabu ya Rosenborg ligi ya mabingwa barani ulaya.

Katika msimu wa 1998-99 alijumuishwa rasmi kwenye kikosi cha wakubwa na kumkalisha benchi mlinda mlango wa wakati huo ,Bodo Illgner.

Msimu unaofuata alimwondoa rasmi Illgner kwenye kikosi cha kwanza na kuwa chagua nambo moja la Real Madrid huku mashabiki wengi wakimkubali kwa asilimia kubwa kutokana na uwezo wake mkubwa wa kusimama langoni.

Mwaka 2000 aliyekuwa kipa mwenye umri mdogo zaidi kuwahi kucheza fainali ya UEFA  wakati  klabu yake ilipocheza  dhidi ya Valencia, na kuibuka na ushindi wa mabao 3-0 huku zikiwa  zimepita siku nne akitokea kusherekea siku ya kuzaliwa kwake.

Msimu wa 2001-2002 wa UEFA nyota huyo alipoteza nafasi yake kwa kipa César Sánchez kuchukua mikoba yake, lakini alipata bahati tena mwishoni mwa msimu huo baada ya kipa huyo kuumia dakika za mwisho za mechi ya fainali baina ya klabu  yake dhidi ya Bayer Leverkusen ambapo Madrid waliibuka washindi kwa mabao 2-1.

Msimu wa 2007-9 ulikuwa wa mafanikio makubwa kwa mlinda mlango huyo baada ya kuisaidia klabu yake ya Real Madrid kutwaa kombe la La 31 la ligi kuu nchini Hispania huku akifungwa mabao 32 katika mechi 36 alizosimama langoni.

 

Majira ya joto ya usajili ya 2009 barani ulaya, baadhi ya vyombo vya habari viliripoti kuwa klabu kubwa duniani wakiwemo matajiri wa England, Manchester city walitangaza kumtaka nyota huyo kwa ada ya uhamisho wa pauni milioni 129, lakini Madrid walikanusha uvumi huo na Casillas mwenyewe alikaririwa akisema hayuko tayari kuihama klabu yake hiyo aliyoichezea toka utotoni.

Maajabu ya Casillas yalionekana msimu wa 2009-10 oktoba 4 katika mchezo wao dhidi ya Sevilla baaada ya kuokoa bao la wazi akitokea upande mmoja wa goli na kuruka upande wa pili na kumnyima nafasi ya kufunga mshambuliaji Diego Perotti ambaye mpaka sasa anaota bao hilo.

Baada ya kuokoa kimaajabu bao hilo, alipokea pongezi kutoka kwa kipa mwenzake mzaliwa wa Hispania lakini raia wa Uingereza Gordon Banks ambaye alisema  nyota huyo kama ataendelea kucheza kwa kiwango kile atakuwa miongoni  mwa makipa bora zaidi kuwahi kutokea katika ulimwengu wa soka.

Msimu wa 2011-12, Casillas alishinda Tuzo ya kipa bora ya IFFHS iliyomfanya kuwa kipa wa pili kushida tuzo hiyo baada ya Gianluigi Buffon kushinda  mara nne mfululizo na yeye kushinda mara nne pia.

Mwezi mei  2012, Casillas aliingoza klabu yake kutwaa ubingwa wa 5 wa La Liga akiwa kama nahodha wa klabu baada ya kuifunga Bilbao 3-0.

Msimu wa 2012-2013 ambao unaelekea ukingoni Casillas ameshinda tuzo ya IFFHS akiwa mlinda mlango bora kwa mara ya tano mfululizo na kumfanya kuwa mlinda mlango pekee kutwaa tuzo hiyo mara nyingi.

Mbali na mafanikio hayo katika ngazi ya klabu, Casillas pia amefanikiwa kwa kiwango kikubwa akichezea timu ya taifa ya Hispania.

Kwa mara ya kwanza kuichezea timu ya taifa ni mwaka 1997 alipocheza kikosi cha vijana chini ya miaka 17 na yeye akiwa mchezaji mdogo kuliko wote akiwa na miaka 16 fainali za kombe la dunia kwa vijana chini ya miaka 17 nchini Misri na timu yake kushika nafasi ya tatu.

Baadaye aliteuliwa kuwa nahodha wa kikosi hicho, na baada ya miaka miwili kupita alikiongoza kikosi hicho kutwaa ubingwa wa dunia kwa vijana na kombe la muungano wa bara la afrika na Ulaya UEFA-CAF Meridian cup mwaka huo huo na kujumuishwa kikosi cha kwanza.

Mwezi june 2002 katika fainali za kombe la dunia, nyota huyo alikuwa akikaa benchi na kipa Santiago Cañizares akisimama langoni, lakini akawa chagua namba moja baada ya kipa huyo kujitoa kikosini kutokana na majeraha.

Akiwa na miaka 21 katika mashindano hayo aliteuliwa kuwa kipa mdogo kuliko wote.

 Aliisaidia sana timu yake ya Hispania kwa kuokoa mikwaju miwili ya penati mchezo wa hatua ya 16 dhidi ya jamhuri ya Ireland na kupachikwa jina la “Mtakatifu”.

Na moja kati ya hatari aliyoikoa katika mchezo wa fainali dhidi ya Korea kusini ilichaguliwa na FIFA kuwa kati ya magoli 10 ya hatari yaliyookolewa na makipa katika mashindano.

Ukiachana na kipa mwenzake wa Madrid Paul wakiwa kikosi cha Hispania, kombe la mataifa ya ulaya 2008, Casillas alipewa kitambaa cha unahodha na kuanza kikosi cha kwanza kwenye mchezo wa kundi D dhidi ya Russia na Uswizi na akapumzishwa katika kikosi kilicho mwondoa Ugiriki na kipa Pepe Reina kusimama langoni.

Casillas aliokoa peneti mbili za Antonia De Natale na Daniele De Rossi kwenye mchezo wa robo fainali wa  Euro baina yao na Italia na walishinda penati 4-2..

Mwaka 2008 Casillas alikuwa nahodha pekee akicheza nafasi ya golini kunyanyua kombe la mataifa ya Ulaya baada ya Hispania kuifunga Ujerumani 1-0.

Mwaka huo huo, mlinda mlango huyo alishika nafasi ya nne ya makipa bora zaidi katika tuzo ya Ballon d`Or nyuma ya Cristiano Dos Santos Aveiro Ronaldo, Lionel Andrew George Messi na mchezaji mwenzake Fernando Jose Sanz Torres.

Mwaka hu huo Casillas alitangazwa kuwa kipa bora wa IFFHS na kupata tuzo ya mlinda mlango bora wa muda wote na kumpiku kipa wa ujerumani Oliver Kahn.

Julai 11, 2010, akiwa nahodha wa Hispania aliingoza timu yake kutwaa kombe la dunia lililofanyika kwa mara ya kwanza ardhi ya afrika, nchini Afrika kusini baada ya kuitungua Uholanzi 1-0 katika mchezo wa fainali uliofanyika dimba la kisasa la soccer city bondeni afrika kusini.

Kwa kufanya hivyo Casillas alitangazwa kuwa kipa wa kwanza kuongoza timu akiwa nahodha katika michuano ya kombe la dunia mbali na makipa Gianpiero Combi aliyefanya hivyo mwaka 1934 na Dino Zoff mwaka 1982.

Mnamo mwaka 2011 novemba, nyota huyo alitangazwa kuwa mchezaji mwenye mafanikio makubwa kwenye kikosi cha Hispania akivunja rekodi ya Andoni Zubizarreta baada ya kuanza katika kikosi

Miongoni mwa Tuzo binafsi za Iker Casillas alizotunukiwa ni tuzo za Bravo 2000, Mchezaji bora wa mwaka wa La Liga 2000, kuingia timu ya mwaka ya UEFA mara (6): 2007, 2008, 2009, 2010, 2011, 2012, tuzo ya Zamora 2007-8, kuingia katika timu bora ya mashinadno ya UERO (2), 2008, 2012, kipa bora wa La Liga (2): 2009, 2012, Mlinda mlango bora wa FIFA(5): 2008, 2009, 2010, 2011, 2012,   Glove ya dhahabu ya FIFA 2010 na nyingine nyingi.

Desemba mwaka 2012 Casillas hakupangwa kwenye kikosi cha kwanza cha Real Madrid chini ya kocha wake Jose Mourinho na kumpa nafasi kipa Antonia Adan, mchezo ambao klabu yake ilikabiliana na Malaga.

Kuanzia hapo hali ya mambo kwa nyota huyo alianza kwenda komba akiwa chini ua usimamizi wa Mourinho.

Kwa sasa kipa huyo sio chagua la kwanza katika kikosi cha Real Madid , huku Mourinho akionekana kumwamini sana kipa Diego Lopez ambaye amekuwa akimchezesha katika mechi za ligi na ligi ya mabngwa barani Ulaya.

Katika hatua ya 16 ya UEFA katika mechi mbili za Madrid dhidi ya Mnachester united, Casillas aliendelea kukaa benchi na kuwashangaza watu wengi hata wachezaji wenzake akiwemo swahiba wake Sergio Ramos.

Pia katika mechi za karibuni za El Classico nyota huyo amekuwa akikosianafasi ya kuanza na kumwacha Lopez kuendelea kutamba.

Hii inatafsiriwa na wataalamu wa soka kuwa ni kukosekana kwa uelewano baina yake na kocha wake Jose Mourinho.

Mbali na mafanikio hayo katika soka, lakini mchezaji huyo ni sawa na mwanadamu yeyote yule, naye ana maisha yake nje ya uwanja.

Tanga mwaka 2009 Casillas amekuwa katika mahusiano ya kimapenzi na mwandishi wa habari za michezo Sar Carbonero.

Wawili hawa wametajwa kupendana sana na kutumia muda wao mwingi kujadili mambo yao ya maisha wanapokuwa nje ya kazi zao.

Juhudi za Casillas katika mazoezi na kuipenda kazi yake ya soka ndio siri ya mafanikio yake katika soka na hii inawafundisha wachezaji wa Kitanzania kuzingatia nidhamu ya kazi yao na kujituma katika mazoezi.