LIGI KUU YAZIDI KUSHIKA KASI SIMBA YAKWAMA KIRUMBA YANGA YAKABWA KOO JAMHURI!

SIMBA

Na Baraka Mpenja

Jahazi la mabingwa watetezi wa ligi kuu Tanzania bara, wekundu wa Msimba Simba SC “Taifa Kubwa” lazidi kutota baada ya leo hii kulazimisha sare ya mabao 2-2 na watoto wa mitaa ya kishamapanda Toto Africa,  katika mchezo wa ligi kuu soka Tanzania bara uliopigwa ndani ya dimba CCM-Kirumba jijini Mwanza.

Mabao ya Simba katika mchezo huo yamefungwa na kinda wake Rashidi Mkoko, dakika ya 28 kipindi cha kwanza na  bao la pili likafungwa dakika ya  62 kupitia kwa winga wake machachari na mwenye mbio nyingi “Anko” Mrisho Khalfan Ngasa.

Mabao ya Toto yalifungwa na  Mrisho Musa dakika ya 26 ya kipindi cha kwanza na mwokozi wa Toto leo hii ni Seleman Kibuta aliyetia kambani bao maridhawa la kuzawzisha dakika ya 74 ya kipindi cha pili na kurudisha machungu kwa mashabiki wa Simba waliojimwaga kwa wingi leo hii kirumba.

Matokeo mengine, katika uwanja wa Jamhuri mkoani Morogoro, wazee wa Uturuki na vinara ya ligi kuu soka Tanzania bara wamefikisha pointi 49 kileleni baada ya kushindwa kuwapigisha kwata maafande wa Polisi Morogoro kwa kulazimisha suluhu ya bila kufungana.

YANGA

Mabatini Mlandizi mkoani Pwania maafande wa Charles Boniface Mkwasa “ Master” wamelambishwa koni za Azam baada ya kukubali bakora 1-0 kutoka kwa lambalamba ambao bao lao lilifungwa dakika ya 44 kipindi cha kwanza kupitia kwa Kipre Tchetche na kufikisha pointi 43 katika nafasi ya pili.

Katika dimba la Kaitaba,wana “Ngulukumbi” wa Kagera sugar wakinolewa na winga machachari wa zamani wa klabu ya Simba miaka ya sabini na timu ya taifa ya Tanzania , Taifa stars, Abdallah Kibadeni “king Mputa” wametafuna miwa ya ndugu zao wa Mashamba ya miwa ya Manungu, Mtibwa sugar, baada ya kuwatandika mabao 3-0 wakiwa nyumbani kwao.

Mbao ya Kagera yametiwa kambani na Maregesi Mwangwa dakika ya 1 ya mchezo  na Themi Felix katika dakika ya 35 na 67. Bao la kupunguzia machungu kwa Mtibwa sugar limefungwa na  Vicent Barnabas katika dakika ya 50 ya mchezo huo.

Hata hivyo Meneja wa Mtibwa sugar, David Bugoya amelalamikia kitendo cha mwamuzi wa mchezo hu kuwaonesha wachezaji wake wawili kadi nyekundu kipindi cha pili na kuwazawadia mkwaju wa penati kagera sugar.

 Bugoya alisema wameonewa katika mchezo huo na kama waamuzi wataendelea kufanya madudu hayo, wataliweka rehani soka letu ambalo linahitaji mabadiliko makubwa.

MTIBWA SUGAR

Matokeo mengine, Katika dimba la Sh. Amri  Kuluta Abeid mjini Arusha, maafande wa JKT Oljoro wamewapigisha kwata maafande wenzao wa JKT Ruvu baada ya kuwadungua 2-0 nyumbani.

Mabao ya Oljoro yamezamishwa na Idd Swalehe dakika ya 4 ya mchezo, na la pili likatupiwa nyavuni na Paul Nongwa.

Hapa Dar es salaam katika dimba la  Azam Chamazi, African Lyon wamepata ushindi wa pili mfululizo baada ya kuwabamiza wagosi wa kaya Coastal union ya Tanga bao 1-0 likifungwa na nyota wake Adam Kingwande.

AFRICAN LYON

WAGOSI WA KAYA