BUNDESLIGA: BAYERN YAPASHA NA FORTUNA LEO, KUINGOJA ARSENAL JUMATANO!

Jumamosi, 09 Machi 2013 09:35

STRAIKA wa Bayern Munich Mario Mandzukic amesema wao nia yao ni ‘kupasha moto’ kwa kuifunga Fortuna Duesseldorf leo kwenye Bundesliga yakiwa ni matayarisho yao kwa ujio wa Arsenal hapo Jumatano Uwanjani Allianz Arena ikiwa ni Mechi ya Marudiano ya UCL, UEFA CHAMPIONZ LIGI huku Bayern wakiwa kifua mbele baada ya kuifumua Arsenal Bao 3-1 katika Mechi ya kwanza iliyochezwa Emirates Wiki mbili zilizopita.

+++++++++++++++++++++++++++

BUNDESLIGA

Ijumaa Machi 8

FC Augsburg 1 FC Nuremberg 2

Jumamosi Machi 9

Bayern Munich v Fortuna Dusseldorf

Schalke 04 v BV Borussia Dortmund

SC Freiburg v VfL Wolfsburg

FSV Mainz 05 v Bayer 04 Leverkusen

SpVgg Greuther Furth v TSG Hoffenheim

Borussia Mönchengladbach SV v Werder Bremen

Jumapili Machi 10

Hannover 96 v Eintracht Frankfurt

VfB Stuttgart v Hamburger SV

+++++++++++++++++++++++++++

Kwenye Bundesliga, huku Mechi zikiwa zimebaki 10, Bayern Munich wako kileleni wakiwa Pointi 17 mbele ya Timu ya Pili, Mabingwa watetezi Borussia Dortmund.

+++++++++++++++++++++++++++

MSIMAMO-Timu za Juu:

[Kila Timu imecheza Mechi 24]

Bayern Munich Pointi 63

BV Borussia Dortmund 46

Bayer 04 Leverkusen 45

Eintracht Frankfurt 38

SC Freiburg 36

Schalke 04 36

Hamburger SV 35

FSV Mainz 05 34

Borussia Mönchengladbach 34

+++++++++++++++++++++++++++

Mara ya mwisho kwa Fortuna Dusseldorf kuifunga Bayern ilikuwa ni Aprili 1991 na Mechi zote 3 zilizofuata Bayern walishinda bila kufungwa hata Goli moja.

Hata hivyo, Mandzukic amesema wanaiheshimu Fortuna lakini wao wako tayari kuikabili.

Aliongeza: “Tuko nyumbani na tunataka kuongeza wimbi letu la ushindi. Wengi wanafikiri tushaingia Robo Fainali ya UCL lakini lolote linaweza kutokea kwenye Soka.”

Mandzukic alifunga Bao la 3 wakati Bayern ilipoipiga Arsenal 3-1 na Bao nyingine zao kufungwa na Kroos na Muller wakati la Arsenal lilifungwa na Podolski.

Wakiwa tayari wametinga Robo Fainali ya UCL baada ya kuifunga Shakhtar Donetsk, Mabingwa Borussia Dortmund wanasafiri Kilomita 40 kucheza na Jirani zao Schalke 04 ambao wameshinda Mechi moja tu kati ya 5 za Bundesliga walizocheza na Dortmund na hiyo ya ushindi ni Bao 2-1 walioupata nyumbani kwa Dortmund Uwanja wa Signal Iduna Park Mwezi Oktoba Mwaka jana.