UPUNGUFU WA WAALIMU CHANZO CHA MATOKEO MABOVU KWA WANAFUNZI

Upungufu wa walimu umeelezwa kuwa ni moja ya sababu zinazochangia matokeo yasiyoridhisha katika shule ya msingi Mabwepande iliyoko katika manispaa ya Kinondoni

WANAFUNZI WAKIWA DARASANI KUMSIKILIZA MWALIMU WAO

Mwalimu mkuu wa shule hiyo  Davis Mkaruka amesema idadi ya walimu waliopo shuleni hapo haitoshelezi mahitaji halisi ya wanafunzi

Amesema shule hiyo ina jumla ya walimu 15 huku ikiwa na wanafunzi zaidi ya elfu moja

Mwalimu mkuu huyo amesema katika matokeo ya mtihani wa darasa la saba mwaka jana wanafunzi 30 kati ya 94 ndio waliofaulu mtihani,matokeo ambayo amesema bado hayaridhishi

Ameiomba idara ya elimu katika manispaa ya Kinondoni kuongeza idadi ya walimu pamoja na kutoa mafunzo ya mara kwa mara ili walimu waweze kumudu mabadiliko ya mitaala